添喜冰室 (已結業)

陪屋企人喺廣華醫院複診，睇完醫生後喺附近順便醫肚，呢條街越來越多唔同類型嘅食肆，呢間冰室嘅食物偏向西式，傳統茶餐廳食物只佔5成左右，裝修亦比較新。每日特價餐由$48起，所以選了星期二特價嘅葡汁雞皇飯，葡汁椰香味濃，雞肉都好多，只有少量薯仔🥔，感覺真係抵。另外試吓個西式小食 ‘添喜小食拼盤’，洋蔥圈炸得好有水準，蝦🦐多士亦一樣炸得脆卜卜，芝士焗青口及雞翼都唔錯。當然冰室的港式奶茶亦要試，紅豆奶茶茶奶比例均勻，茶味香濃。