影片
更多
5天前
0 瀏覽
作為一名泰國控，見到Phi coffee & pancake最近推出泰式主題，加上佢係出名既打卡熱點，同埋梳乎厘pancake係佢地既signature，日系餐廳裝潢又好有feel，所以琴晚就約朋友去果度食晚餐📸🥢。環境柔和、光線靚，係想影相又想食野既perfect combo。.椰香冬陰功海鮮意粉 $126 🍝🦐好驚艷！條條意粉都拌勻左冬陰功醬汁，好Creamy，每條都掛到汁，一啖一啖好夠味。海鮮有青口、蝦肉、魷魚圈，加埋聖女茄既微酸同甜，層次豐富但吾搶戲，椰香同冬陰功既酸辣平衡得好好，食落口感滑而有彈性，份量亦夠飽肚.漢堡扒全日早餐 $156 🍔🍳強烈推薦！手打漢堡扒超厚身，目測大約3cm厚，切落去汁水好多，淋上厚厚既芝士汁更加邪惡又Juicy。配料有新鮮牛油果、煙三文魚、太陽蛋、沙律菜、炒雜菇、脆皮爆汁腸，同埋牛油丹麥吐司，配搭好完整，無論係早餐或晚餐都夠哂豐富滿足。.泰式梳乎厘芒果糯米飯 $138 🥭🥞呢個係佢地既招牌signature，梳乎厘好軟熟又輕，入口即溶，旁邊堆滿左成塊成塊既芒果果肉，再配返傳統既糯米飯，擺盤超靚。味道有層次，芒果既清甜、梳乎厘既幼滑、糯米既黏糯互相襯
作為一名泰國控，見到Phi coffee & pancake最近推出泰式主題，加上佢係出名既打卡熱點，同埋梳乎厘pancake係佢地既signature，日系餐廳裝潢又好有feel，所以琴晚就約朋友去果度食晚餐📸🥢。環境柔和、光線靚，係想影相又想食野既perfect combo。
.
椰香冬陰功海鮮意粉 $126 🍝🦐
好驚艷！條條意粉都拌勻左冬陰功醬汁，好Creamy，每條都掛到汁，一啖一啖好夠味。海鮮有青口、蝦肉、魷魚圈，加埋聖女茄既微酸同甜，層次豐富但吾搶戲，椰香同冬陰功既酸辣平衡得好好，食落口感滑而有彈性，份量亦夠飽肚
.
漢堡扒全日早餐 $156 🍔🍳
強烈推薦！手打漢堡扒超厚身，目測大約3cm厚，切落去汁水好多，淋上厚厚既芝士汁更加邪惡又Juicy。配料有新鮮牛油果、煙三文魚、太陽蛋、沙律菜、炒雜菇、脆皮爆汁腸，同埋牛油丹麥吐司，配搭好完整，無論係早餐或晚餐都夠哂豐富滿足。
.
泰式梳乎厘芒果糯米飯 $138 🥭🥞
呢個係佢地既招牌signature，梳乎厘好軟熟又輕，入口即溶，旁邊堆滿左成塊成塊既芒果果肉，再配返傳統既糯米飯，擺盤超靚。味道有層次，芒果既清甜、梳乎厘既幼滑、糯米既黏糯互相襯托，椰香柔和吾會搶走芒果鮮味，係完美既飯後甜品。
.
糯米芒芒椰奶沙冰 $68 🥥🍧
椰奶沙冰清涼香滑，冰感細緻吾會太稀，椰奶香濃但吾膩，最吸引既係頂頭有個用香葉包住既糯米飯，一啖沙冰一啖香葉糯米，口感有冰爽、香糯同少少葉香既層次，夏天食完主菜即刻解膩又滿足。
.
黃金比例泰茶 $48 🧋
顏色金黃醒目，茶味濃郁帶微香，奶味圓潤但吾會蓋過茶香，甜度控制得好好，飲落順口清爽
張貼
