新沙洞大排檔 (大政街)

營業中

休息中

對上一次試過新沙洞澡堂，今次試埋佢既姊妹店 — 韓式復古風嘅新沙洞大排檔，店內裝修神還原韓國巴士站、地鐵站，難怪咁爆場啦。♙ 宮廷燉牛肋骨鍋套餐 $508牛助骨鍋連爐一齊上，可以keep住熱辣辣咁食。鍋內有四大件牛肋骨，肉質軟嫩，一啲都唔韌。湯頭有紅、白蘿蔔、冬菇、紅棗，清甜養生，牛肉香味濃郁。𖦹 海鮮葱煎餅同平時食開嘅薄身煎餅好唔同，呢個厚到成塊薯餅咁，咬口十足，啖啖都食到魷魚。𖦹 韓式炸醬麵 炸醬偏甜，每條麵都沾滿醬汁，煙韌彈牙，配上青瓜絲、太陽蛋同五花肉，十分豐富。𖦹 辣豬肉紫菜飯捲 飯捲足料富麻油香，辣豬肉惹味，加上特別既紫蘇葉，清爽解膩。𖦹 黑糖蜜黃豆粉麻薯刨冰 黑糖味非常突出所以超級甜，螞蟻人可一試，冰偏粗粒我就麻麻地，如果再多d黃豆粉會更理想。♙ 草莓牛奶配蜂巢特飲（2人份）$88草莓牛奶完全無藥水味，原粒蜂巢富口感，飲落清甜，仲有草莓碎粒係底。