象泰 (已結業)

天時暑熱最岩食泰國野，今次同媽媽去左屋企附近間餐廳食飯，本身想食生蝦點知媽媽唔要，所以嗌左半隻海南雞，海鮮炒金邊粉，馬拉盞通菜，一個甜品拼盤同埋一個鮮椰青😚由於我地係食飯時間黎，所以好多人等位，如果下次黎食真係要早啲先得😍海南雞飯好足料，真系有半隻雞係到，無偷工減料而且佢上菜既碟係仿筲箕，幾可亂真，啱晒打卡既我！佢既海鮮炒金邊粉都好有鑊氣，熱辣辣又大碟，雖然蝦仁係急凍蝦，但一啲都食唔出佢既雪藏味👍🏻 至於甜品，我地2個心大心細乜都想食，好彩呢到有個細既甜品拼盤比我地揀，分別有南瓜布丁，椰汁千層糕同西米糕係入面，樣樣都好啱我食，特別係南瓜布丁好足料，食落入面既南瓜蓉仲根根分明添👅