圓山台灣料理 (已結業)

新春節日氣氛仍濃，約了朋友飲茶兼拜年。地點選了就腳的尖沙咀。先來一壺人參烏龍茶，的而且確飲到人參嘅味道，正呀! 今次聚會置在聚聚，所以叫嘢食唔多，隨意在點心紙剔幾個點心。【懷舊水晶鮮蝦餃 $40】一般酒樓的蝦餃一籠只有4粒，甚至有些酒樓只會是一籠三粒，這間酒樓算是給了我一個新春驚喜。皮薄，蝦肉多，好滿足。【招牌雪影叉燒包 $36】不是傳統白色那種叉燒包，而是焗的叉燒包。餡料好多，亦好多汁。【蚵仔煎 $88】這碟蚵仔煎的做法與一般的不同。通常人哋會將生的蚵仔跟蛋漿一起煎，所以，有時蚵仔未必完全煎熟，又會有腥味。而這個好似是先將蚵仔煎熟，然後才和蛋漿一起煎，所以，會見到蚵仔的顏色是特別啡色。至於味道就一般般，沒有驚喜。【黃金蒜香蝦春卷 $36】炸得好鬆化，內裡有充滿蝦肉。【生財帶子腸 $36】皮薄，晶瑩剔透，好滑。【豆腐花 $68】最後叫了一桶即撞豆腐花，豆味都OK，亦滑流。其實，我哋傾計多過食嘢。講到人哋差不多落場先肯走。最後，埋咗單之後，我邀請佢哋到我家麻雀耍樂再傾過。