不過一個人, 沒有可能叫多幾味. 結果只點了一個豆腐班腩火腩煲, 一個人, 輕輕鬆鬆再啤多一啤. 一個人食小炒, 也可以好enjoy.
香噴噴的煲, 製作需時, 期間看見別檯叫的椒鹽小炒. 甚香, 只可惜是日得一個人, 未能嚐之. 於是繼續啤一下, 獨樂樂等食物.
始終是鑊氣足夠的小廚. 豆腐班腩火腩煲, 上檯時仍然滾著, 發出啫啫的聲響. 茨汁帶動了豆腐, 班腩同火腩的味道. 不過, 件件都好大件, 沒有了輕嚐輕嚼的感覺. 豆腐經油炸過. 皮依然夠脆香, 內裡一樣滑溜. 班腩, 肉厚, 不過不結實. 食落口感是雪藏料居多. 不過, 已經好比大樂活的所謂炸魚. 而燒腩, 大大舊的, 用來做火睟煲, 有幾可會整塊新燒起既燒味俾你食, 不過生意好流量多, 應該不會來一塊陳年燒腩...只是食落時, 咬到有部份肉邊位已經被風乾, 相信呢舊都係隔夜腩. 這不大介意, 味道好, 熱騰騰. 就是一個好既煲仔.
吃罷, 貴就貴在自己要飲支$20既啤酒. 不然, $50一個小菜, 價錢都算是公度. 以後有朋友來馬鞍山找我, 夜晚幾個麻甩食飯, 係呢度啤啤佢, 感受一下新市鎮風味.
