雲魅 (已結業)

喺呢個疫情底下，好耐冇同同事出嚟食午飯啦！難得而家疫情緩和咗，就約咗同事過咗嚟彌敦道726號18樓既新餐廳，叫做‘雲魅’， 名字都十分特別。呢度最出名就係過橋米線，梗係要一試啦。過橋米線有分兩種，一種係雲魅特色湯，另一種係雲魅蕃茄湯。我哋就叫咗雲魅蕃茄湯過橋米線，午市套餐另配有前菜同埋飲品。我哋就叫咗手撕雞同埋涼拌木耳，超開胃！野飲就叫左柚子蜜。嘩！上菜啦！第一次見過橋米線有咁多配料！而且可以由自己慢慢按次序加入砂鍋入邊將佢煮熟，感覺新鮮！因為砂鍋湯底有一定嘅熱度，所以可以將食材慢慢整熟。砂鍋嘅質地都有一定既厚度就可以將入面既湯保持熱度。侍應會教你按次序將食物加入湯，咁就唔驚食到唔熟嘅食物。蕃茄湯嘅湯底味道濃郁，好香蕃茄味，主食肉類可以對個人喜好揀豬肉或者牛肉。七彩面基本淥熟左，食甘多擺甘多落砂鍋度，口感都幾軟熟彈牙。另外仲有配菜，令成碢過橋米線更加出色！餐廳環境開陽，喺呢度食午餐都幾享受。午市套餐仲有其他拌飯同埋涼麵，下次都可以試下。