影片
更多
2019-04-03
343 瀏覽
其實小編一直想試呢一間鋪頭好耐，不過成日經過都見到冇乜人食嘢，又覺得好似一般咁🤔但今日終於下定決心去試吓，因為真係好想知道未來漢堡到底係乜味😂Green Common係世界首間一站式集合超市、餐廳、廚藝教室嘅綠色素食生活館😊並將“Food 2.0”概念帶到香港，店舖引入以植物為本嘅食材，着重創新同可持續發展，將綠色生活還原基本😯-🍴未來漢堡咖喱飯日式咖喱飯🍛入面嘅漢堡並唔係普通漢堡，而係未來漢堡，未來漢堡以百分百純素全植物製作🤗唔單止不含蛋奶，而且亦冇蔥蒜🤭主角嘅未來漢堡入口口感真係非常似真嘅漢堡，食落入口Juicy，而且漢堡嘅表面亦都煎得非常香口😳個人覺得其實比真漢堡更加好食🤫至於個日式咖喱方面，咖喱本身加入左啲蘑菇🍄、紅蘿蔔🥕同洋蔥一齊落去煮，所以入口同樣非常惹味，而且咖喱本身亦都帶有少少香辣😝撈飯一流呀！但小編就唔太認同佢係日式咖喱，因為日式咖喱通常味道偏甜而且唔辣😌另外，個飯底🍚亦都唔係普通嘅白飯，而係紅米混合白米製成，所以個飯入口同樣會口感比較豐富😋整體來講，個人覺得呢一款漢堡咖喱飯確實有驚喜，佢唔講小編真係完全唔覺得呢一碟飯係素菜🤗-🍴純素士多啤梨芝士蛋糕呢一款芝士蛋糕🍰同
Green Common係世界首間一站式集合超市、餐廳、廚藝教室嘅綠色素食生活館😊並將“Food 2.0”概念帶到香港，店舖引入以植物為本嘅食材，着重創新同可持續發展，將綠色生活還原基本😯
-
🍴未來漢堡咖喱飯
日式咖喱飯🍛入面嘅漢堡並唔係普通漢堡，而係未來漢堡，未來漢堡以百分百純素全植物製作🤗唔單止不含蛋奶，而且亦冇蔥蒜🤭
主角嘅未來漢堡入口口感真係非常似真嘅漢堡，食落入口Juicy，而且漢堡嘅表面亦都煎得非常香口😳個人覺得其實比真漢堡更加好食🤫至於個日式咖喱方面，咖喱本身加入左啲蘑菇🍄、紅蘿蔔🥕同洋蔥一齊落去煮，所以入口同樣非常惹味，而且咖喱本身亦都帶有少少香辣😝撈飯一流呀！但小編就唔太認同佢係日式咖喱，因為日式咖喱通常味道偏甜而且唔辣😌另外，個飯底🍚亦都唔係普通嘅白飯，而係紅米混合白米製成，所以個飯入口同樣會口感比較豐富😋整體來講，個人覺得呢一款漢堡咖喱飯確實有驚喜，佢唔講小編真係完全唔覺得呢一碟飯係素菜🤗
-
🍴純素士多啤梨芝士蛋糕
呢一款芝士蛋糕🍰同樣係純素冇蔥蒜嘅，芝士蛋糕以Daiya純素芝士🧀混合草莓果醬🍓製作而成，蛋糕表面再放上少量果醬做裝飾，製作出呢一款純素嘅芝士蛋糕。
芝士蛋糕入口質感非常幼滑，同普通嘅芝士蛋糕厚實嘅質感有明顯分別🤔而且餅底本身亦做得比較薄，但感覺上芝士蛋糕溶點亦好似較低🤫入口味道方面，芝士蛋糕嘅味道偏鹹，食落有啲古怪🤨而且單食芝士蛋糕亦唔係太食得出有草莓嘅香味😔不過只要沾一沾旁邊嘅果醬一齊食，芝士蛋糕嘅鹹味亦都會減低😝同時會多返少少莓果嘅香味。整體來講，純素嘅芝士蛋糕聽上嚟好特別😌口感亦唔錯，但個人唔係太鍾意食咁鹹嘅芝士蛋糕，所以整體亦覺得只係一般👉👈
-
🍴接骨木花養生茶
花茶以桂圓肉、棗片、黑枸杞、接骨木花蜜🍯等沖泡而成，就咁聽落已經知道呢杯養生茶好適合女生飲用🥰
呢杯養生茶嘅顏色都非常夢幻，由黃色漸變到紫色再慢慢退到變透明😍而且係飲品嘅表面亦都放上左好多唔同種類嘅花喺度，真係非常之靚😘入口味道方面，養生茶嘅味道甜甜地咁，唔算太特別，係一種熟悉嘅味道😉雖然驟眼睇養生茶入面嘅冰塊份量都幾多，不過亦都溝淡左杯養生茶導致整體嘅味道飲落唔會太甜😁但同時養生茶嘅味道亦都唔會太重😝整體來講，其實養生茶嘅味道冇乜特別，不過個人就幾鍾意表面嗰啲花花🤫部份食落都幾好味架！
張貼
