新記雞粥 (筲箕灣道)

營業中

休息中

上次係喺佐敦食過新記雞粥之後，一直都覺得好想再食過。今日去筲箕灣見到有位，就即刻衝入去食啦。上次食過嘅今次就唔叫啦，香港人都係鍾意貪新鮮嘛。所以今日試吓佢啲雲吞，又估唔到好好味，唔會差過雲吞麵店喎！跟住梗係叫佢招牌菜雞粥加豬膶，啲雞好滑一定㗎啦，連啲豬潤都好鮮甜爽口，好正！鯪魚球好新鮮口感好好，同埋蘿蔔糕都好好味。之後食埋個芝麻球，唔太甜又好煙韌，係會一食再食嘅甜品，最後再飲杯熱豆漿，唔止營養豐富，仲令我感到好滿足。