潮陣 (已結業)

一入到「潮陣」，就已經覺得紅白裝修好靚好整潔，員工服務態度，係勁好！今次先講下佢哋嘅飲品，好欣賞《香橙熱情果蜂蜜紅茶》，真材實料，超有熱情果味，啲橙真係食得㗎，仲要係超好味不過提提大家，飲到差唔多最尾唯個陣時，記得攪勻啲，同埋可以再問店員加多少少水，因為去到尾會有啲甜，coz佢哋真係好足料。如果鍾意凍飲嘅朋友，試吓佢個咸檸檬梳打la，係用上海嘅梳打水，爆多氣。小食推介：腐皮墨魚卷，簡單兩個字「好食」！本人比較喜好店內嘅滷水雜燴撈麵，麵嘅軟硬度適中，腩肉望落去好似好肥啦，但係食落去呢，好神奇係已經冇晒油㗎啦！豬手淋到阿婆都可以食得好入味！<魚魔王>真係集合晒所有魚嘅食物在一身，有炸魚皮啦，魚皮餃啦，魚蛋啦，同埋鯇魚片，總結一句：成碗面，都充斥着魚嘅味道，大家可以試吓就知我講咩啦！。