影片
更多
2019-12-12
145 瀏覽
廚師發辦，畀人嘅感覺都係用一啲最靚嘅食材配以最好嘅刀工去奉上一啲最新鮮嘅日本和食， 呢度絕對加咗好多唔同嘅元素， 每一道菜都有驚喜。因為今年聖誕唔喺香港，所以要提早慶祝， 就選擇咗位於灣仔既UO n。櫻花茶～提供好多唔同類型嘅杯，可以選擇自己一隻心儀嘅～我梗係選擇一隻同櫻花茶有聯繫嘅杯啦～ 杯底可以清晰地見到櫻花圖案 。雪茄～威化餅夾低溫煮鵝肝，鵝肝用酒煮有淡淡的酒味。香檳～七喜加清酒，非常易入口。魚籽～海藻， 口感卜卜脆非常得意。煙燻鴨胸併鵪鶉蛋～ 煙燻嘅效果喺眼前呈現出嚟真係非常之特別，鴨胸應該有獨特嘅醬汁，食落非常juicy嫩滑。湯～底係和牛骨湯，上面木魚絲，滾咗會升上去再落返嚟， 用蒸餾咖啡嘅方法去做湯， 味道比想像中嘅濃，真係別出心裁。日本報紙配照燒雞～ 報紙係米紙，印上日本報紙嘅圖案包著照燒雞件， 米紙係脆脆的，全件都可以食，非常特別。豆紙海膽壽司～ 海膽非常新鮮，一啲都唔腥， 配埋旁邊嘅甜豉油， 簡直一絕。鹹魚白菜腐乳～以80年代為主題， 喚醒大家「獅子山下」精神， 鹹魚多數係馬友魚做嘅， 呢一片正正就係馬友魚， 喺壽司裏面用咗燒呢個方法， 估唔到肉質都非常唔錯， 菜包
因為今年聖誕唔喺香港，所以要提早慶祝， 就選擇咗位於灣仔既UO n。
櫻花茶～提供好多唔同類型嘅杯，可以選擇自己一隻心儀嘅～我梗係選擇一隻同櫻花茶有聯繫嘅杯啦～ 杯底可以清晰地見到櫻花圖案 。
雪茄～威化餅夾低溫煮鵝肝，鵝肝用酒煮有淡淡的酒味。
香檳～七喜加清酒，非常易入口。
魚籽～海藻， 口感卜卜脆非常得意。
煙燻鴨胸併鵪鶉蛋～ 煙燻嘅效果喺眼前呈現出嚟真係非常之特別，鴨胸應該有獨特嘅醬汁，食落非常juicy嫩滑。
湯～底係和牛骨湯，上面木魚絲，滾咗會升上去再落返嚟， 用蒸餾咖啡嘅方法去做湯， 味道比想像中嘅濃，真係別出心裁。
日本報紙配照燒雞～ 報紙係米紙，印上日本報紙嘅圖案包著照燒雞件， 米紙係脆脆的，全件都可以食，非常特別。
豆紙海膽壽司～ 海膽非常新鮮，一啲都唔腥， 配埋旁邊嘅甜豉油， 簡直一絕。
鹹魚白菜腐乳～以80年代為主題， 喚醒大家「獅子山下」精神， 鹹魚多數係馬友魚做嘅， 呢一片正正就係馬友魚， 喺壽司裏面用咗燒呢個方法， 估唔到肉質都非常唔錯， 菜包住嘅就係壽司飯， 而腐乳就係豆腐醬， 三樣嘢夾埋，正正就係80年代大家最常食嘅食物， 真係非常佩服廚師嘅意念。
蟹膏蝦壽司～ 蝦上面係魚鱗中， 所以入口嘅時候係卜卜脆，飯係用龍蝦汁淆製出嚟嘅 ，非常濃味，配上支裝蟹膏，畀客人自行加工， 有得玩又有得食！
麻辣帶子鍋巴～壽司飯造既嘅鍋巴，上面有麻辣帶子， 辣度的確幾大， 旁邊既醋會幫到手， 唔試過都唔知道醋真係可以解辣。
鰻魚飯 ～鰻魚好厚肉，一啲都唔腥，入口即溶，非常之好食。
卷物 ～吞拿魚應該撈咗啲辣，食落都幾惹味， 如果唔夠辣，可以再沾上中間紅色嘅醬汁，旁邊配有醋醃製過嘅萵筍同意大利黃瓜， 可以要refresh一下味蕾。
燒棉花糖～ 芝士拉絲見得多，燒棉花糖拉絲都係第一次玩， 黑色嘅碟子，係有keep住溫度嘅功能， 啱曬我哋影一輪相先至會食嘢嘅人。
魚鱗啫喱～ 用魚鱗去淆製嘅精華，應該非常有collagen， 啱曬女士食， 口味比較淡， 所以會建議先食咗呢個，再去食棉花糖。
張貼
