更多
2021-06-01
1580 瀏覽
原來旺角金雞廣場開咗間點心到分店,叫做點心到mix大排檔,好特別既名稱。之前幫襯過油麻地總店,味道同服務都唔錯,而家一於試下呢間質素如何。食飯時間要等一陣位,都幾多人幫襯。餐廳裝修好光猛,入面仲有個大魚缸裝住新鮮海鮮,而且仲有個Mix bar出野飲同生啤,有幾番大排檔懷舊風味時又帶點新潮。呢間主要係食大排檔小菜為主,包括有招牌菜,海鮮海產,煲仔等等,吾係食點心的,如果大家想食點心,就要移步去油麻地總店了。我叫左: 川式口水雞呢個菜超野味!上面好多我中意食既芫茜同蔥。啲雞肉整到好滑,就算平時吾食雞皮既我,今次都食埋。下面鋪左好多爽口青瓜,點個醬汁食冇得頂!係有小小辣既,不過撈白飯一流,愈食愈停吾到口。自家製秋葵野菌豆腐每舊豆腐好得意,係有2隻色,一隻係平時食開既黃色玉子豆腐,另一隻問過職員,係用芥末做既,顏色係綠色,但奇怪係都係玉子豆腐口味,都幾有特色,果然係自家製。豆腐外脆內滑,應該外表有炸過。上面仲有好多雜菇同秋葵,岩曬我🤤。醬汁似係用蠔油煮,送飯又係不得了,成個餸菜都好健康。啫啫芥蘭煲係熱辣辣來到既,一打開仲煲仲出緊煙,香氣撲鼻,侍應勁好甘提醒我地要睇熱🥰。芥蘭好焾吾硬,食落嫩而冇
原來旺角金雞廣場開咗間點心到分店,叫做點心到mix大排檔,好特別既名稱。之前幫襯過油麻地總店,味道同服務都唔錯,而家一於試下呢間質素如何。
食飯時間要等一陣位,都幾多人幫襯。餐廳裝修好光猛,入面仲有個大魚缸裝住新鮮海鮮,而且仲有個Mix bar出野飲同生啤,有幾番大排檔懷舊風味時又帶點新潮。
呢間主要係食大排檔小菜為主,包括有招牌菜,海鮮海產,煲仔等等,吾係食點心的,如果大家想食點心,就要移步去油麻地總店了。
我叫左:
川式口水雞
呢個菜超野味!上面好多我中意食既芫茜同蔥。啲雞肉整到好滑,就算平時吾食雞皮既我,今次都食埋。
下面鋪左好多爽口青瓜,點個醬汁食冇得頂!係有小小辣既,不過撈白飯一流,愈食愈停吾到口。
自家製秋葵野菌豆腐
每舊豆腐好得意,係有2隻色,一隻係平時食開既黃色玉子豆腐,另一隻問過職員,係用芥末做既,顏色係綠色,但奇怪係都係玉子豆腐口味,都幾有特色,果然係自家製。
豆腐外脆內滑,應該外表有炸過。上面仲有好多雜菇同秋葵,岩曬我🤤。醬汁似係用蠔油煮,送飯又係不得了,成個餸菜都好健康。
啫啫芥蘭煲
係熱辣辣來到既,一打開仲煲仲出緊煙,香氣撲鼻,侍應勁好甘提醒我地要睇熱🥰。
芥蘭好焾吾硬,食落嫩而冇渣,入面仲有好多咸魚肉碎,又係撈飯殺手啊😆
黑金流沙包同卡通芋蓉包各1
最後叫返2個包食下,點心到既特色包係黑金流沙包,打開入面真係流沙嫁,要小心燙口。
而卡通芋蓉包勁Cute, 岩啲小朋友食,好香芋蓉味。2個包各有千秋,下次再encore!
食甘多先200蚊,晚餐價錢來講算平。中意食大排檔而吾中意户外既,可以試試呢間!
張貼