圃鍋 (已結業)

Auntie R朝早喺灣仔區工作，中午就即興地搵XO仔一齊去食晏，仲任細佬揀地點。記得公司附近W Square四樓剛有新火鍋店登陸，名叫「圃鍋」，午市有提供價廉o既和風午市套餐，小肥問准長輩同意後即打電話訂座。步出升降機門，即可見到兩位壽司師傅忙碌地工作。左方接待處旁有個又大又乾淨o既魚缸，明顯餐廳主打海鮮菜餚。店子用餐區o既間隔方形得黎好西化，圍邊o既都係半梳化式散座。但係頭頂高高掛著o既大紅燈籠就好中式，大有玩fusion之感。餐桌上擺有兩雙金銀公私筷及暗刻有筋斗雲o既碗碟，整齊衛生。新店午餐以做中日定食套餐為主，彩圖餐牌共有兩頁之多。因XO仔午飯時間有限，兩口子亦迅速地每人點咗個套餐黎食。Auntie R要咗個「櫻花蝦XO醬炒和牛稻庭烏冬」（$138）。壽司盛配沙拉蝦球（$108）：定食本身包有沙律、麵豉湯、壽司盛六件、及沙拉蝦球。新張期間仲送多客吞拿魚刺身添，淨睇份量已覺抵食。野菜沙律酸甜清爽脆口，醒神又醒胃。麵豉湯味道剛剛好，一啲都唔會話過咸。六件壽司色澤艷麗，味道亦為鮮美。用上沙律醬調味o既蝦球爽脆無比，甜潤得黎食落又唔覺好肥膩，個人覺得好。「圃鍋」環境開揚簡潔，午飯時間滿