美新茶餐廳

營業中

休息中

大年初二，我同家上要大陸探親，晨早流流黎到佐敦食個早餐。求求其其就搵左間茶餐廳，因為附近啲餐廳無幾間係開左。入之前梗係喺門口睇一睇佢餐牌先，睇落正正常常就入去。講左野食先。入去坐底，點左個新春早餐(三拼公仔麵加杯野飲),屋企人就點左個豬扒包。公仔麵餐($32)都係茶餐廳水準唔好expect咁多，豬扒包($19)就麻麻地，塊豬扒好細，炸到好乾。本身無諗住寫食評所以無影相，大家可以參考下其他食家嘅相。埋單價$61。我就覺得奇怪明明係$51。收銀呀哥就話今日加二。佢就指住2張店內張貼左嘅福字，福字底下就寫左句加二，同埋門口都貼左張。但係餐牌上一句加二嘅字眼都無。埋完單後面另一個客又係奇怪點解貴左。我都明白新年仲開店加價係正常，不過加價字眼應該放當眼位，咁就可以避免客人感到有啲被騙感覺。