美新茶餐廳

營業中

休息中

20240928 早餐時段，唔多人，入坐後，點了份早餐。下單後再等一會，有位客人A入店，坐在本枱前，睇住佢下單。全場得我和客人A 等食物，再等到客人A的全份早餐出嚟，我問個位女士（應該是老闆娘）“我點個份都未到，遲入店的客人都全上”. 老闆娘，好唔情願地一邊走一邊應 “唔係睇下單時間，係煮的時間” 從完全不能理解。🧐再等幾分鐘，個位應該是老闆（又高大隻男士）走過，我再問一次。佢極兇惡的唔表情回應 “小姐！而家咪攞緊俾你囉！” 😡😡😡正準備攞一杯點了10分鐘才到的咖啡。這是我遇到最劣質的一間茶餐廳，起身即走。 公平點，未試食物質素。以為裝修後，環境好啲，可惜。

搵位度：🌟🌟🌟🌟🌟抵食度：🌟🌟🌟好食度：🌟夜晚趕時間想食個快飯，行左成條街好似依間真係最平，夜晚都仲可以叫個常餐，計埋個價錢四十零蚊正正常常；講真嘅斜對面就係澳牛，不過嗰日心情麻麻，費事入去俾人西口西面。講返間嘢夜晚食飯時段，印象中計埋我都係三兩台客，不過講真食常餐嘅話表現合理啦，有火腿奄列個叉燒意粉正正常常，係個嘢飲爭少少，將就將就。份量係OK嫁，嗰餐包我玩到最後都飽到食唔落。

下午茶38吉列豬排薯條+熱奶茶。以今時今日物價，價錢唔貴。食物就hea 左D。上台舊豬排薄薄的，油到閃令令，白晒晒咁，算啦38蚊，明既。薯條咪就係薯條囖，都係好油，明既，炸野當然係要用油，都明既。食左一半形住吞左好多油所以收手，攤凍一陣D脆漿好似夏天用過的吸油紙咁樣，明既，炸野當然係要用油。試下撥開佢食淨肉，白白雪雪咁，唔，係無味既，不過無宿無臭，算有良心，不過唔想吞落去。算啦，知到生意難做，租金貴，成本高，明既，唔應該咁多要求。食完喉嚨好似俾膠水封住咁，約40分鐘不適感覺逐漸消失。補充，奶茶正常。

去尖沙咀佐敦嗰頭有啲事做。做完嘢熱熱哋，見有啲攰又有少少肚餓，於是就走入咗呢間嘢食個下午茶餐。沙爹牛肉麵下午茶餐加熱鴛鴦，三十八蚊。呢個價錢唔平又唔貴。不過個麵一上枱就知道伏！見到個樣都心知不妙！湯得個鹹字，咩味道都唔知道！沙爹牛肉係無味嘅！沙爹牛肉係無味嘅，唔好講話要求高少少嘅花生味呀辣味嗰啲，連正正常常嘅沙爹牛肉應有嘅味道都無！麵呢又生骨！浸咗好耐都唔係好得！真係超級救命！我到底食咗咩呀，超勁伏！以後都唔想再幫襯！

白加士街近宝灵街这段有好几家茶餐厅，这家的人气是较遜色的。这天晚饭时段路过，看到店前的几个套餐，感觉不是太贵。反正以前没有吃过，可以进去尝尝味道。其他汤面餐和小炒都有提供，选择也不少，是很典型的港式茶餐厅。肚子不是太饿，干脆点一下星洲炒米套餐。米粉用了不少咖喱粉，与火腿丝和叉烧丝一起炒，味道不是太差。而且米粉也不会炒得太碎，保持着点口感。整个餐连饮料是48元，价钱算是合理。以食物质素而言，就没有很大的惊喜。

疫情嚴重個段時間,有日係差唔多六點行過見到未收工就叫咗一個肉絲炒麪, 麵差唔多冇煑開過咁制同埋個汁好似槳糊咁, 麪都冇煑開, 個汁杰撻撻咁就估到唔會好得去邊,食咗一啖凍冰冰油淋淋即刻掉咗佢費事浪費左自己D配額, 永遠都唔會再幫襯, 幾十年街坊都係咁話.

求其搵個地方食晚餐，就坐低左去試一試。諗唔倒食咩都係叫番常餐。常餐叉燒意粉，意粉湯底偏咸，意粉好林，叉燒好咸同埋得幾舊，唔係好夠食。加埋牛油多，同埋火腿奄列。個牛油多塊包咬落個口感好林，但唔係鬆軟果隻，唔好食。火腿奄列有啲油，都係麻麻地。最試真啲一間茶餐廳，梗係試佢個奶茶啦! 不過有啲失望，茶底都唔香，淡淡地無咩味。唯一一樣值得讚既係，侍應啊叔同收銀姐姐態度都幾好，不過以野食質素同埋餐廳乾淨程度黎講，都唔推薦。

嚟到佐敦呢頭做野，雖然好多食肆🍴揀，但中午時間真係好難搵到吉位，已經餓仲要等真係好折磨人，見到呢間冇咩人排嘅茶記，就即刻衝咗入嚟，大概有一半座位坐咗人，店員勁快就落單出菜，本來飢餓轆轆嘅我見到碟美極生炒牛肉🐮飯後，真係覺得伏咗，首先個飯🍚勁細碟，食完都係三成飽，而且個飯係完全唔熱，更可以用凍❄️嚟形容，不過要讚讚👍🏻師博嘅功力，可以將一個美極炒飯炒到似🍳蛋炒飯，真係去到爐火純青嘅境界先做到。同事食嘅蒜蓉汁雞扒🐔拼炸帶子飯相對嚟講算係合格之作，雖然炸帶子同雞扒有陣陣嘅雪味，但配上濃濃嘅蒜蓉汁，就可以將雪味蓋過，再加上大碟嘅白飯🍚配食。總體嚟講，係水平以下嘅茶記，係云云眾多嘅茶記中，可說係伏中之伏喇🤪

黎試呢間美新，但求快速食個飯。叫左個特餐哥哥仔都好快同我落到單，好快有得食。不過比起同區既特餐，$38蚊都算幾平吓厚多士，勁脆，不過牛油搽得唔勻叉燒湯意同埋奄列都不過不失。反而想講下呢杯野飲，我係叫左杯熱利賓納，但係杯嘢個色水完全唔似。😳🤪不過飲落去都係正常利賓納嘅味道。

<美新茶餐廳>餐肉火腿蛋飯對我個人黎講精髓在於豉油同隻蛋。甜鼓油同蛋黃撈埋落 d飯一齊食真係好正。最好火煺煎得輕微燶邊我仲鐘意😋 可惜哩碟飯，隻蛋都煎到熟晒，想用 d蛋黃撈飯都吾得，令外有三份一碟飯都係硬晒食吾到嘅😣 確實有 d失望。哩個午餐價錢 Hkd42, 有兩塊薄切餐肉加一塊火腿，份量對女士黎講係 ok嘅，但男士就未必夠飽喇。至於同行嘅屋企人就叫左特餐，分別揀左叉燒通粉同沙嗲牛肉麫 配庵列多士。但佢地都係負評，沙嗲牛麫味淡冇沙嗲味，做吾到一般茶餐廳水準！但值得一讚嘅係服務，我自己大意叫錯左午餐 1號做午餐 A, 仲要黎到先發現，但佢地都肯換過比我👍 同埋收銀哥哥吾知係咪老闆會主動同 d食客傾下計，關心下佢地。令一樣值得讚嘅係茶餐廠廳黎講佢算企理乾淨。不過，食物質素真係有待改善喇！回頭率：30％

食開嗰間餐廳逢星期日休息, (而家佐敦好多餐廳星期日都休息), 每日行過呢間餐廳都未幫襯過, 見門口個價錢牌又唔太貴, 就去試吓, 舖內裝修比較殘舊, 枱椅擺得比較密, 因太多強國人, 顯得比較嘈, (如想清清靜靜食一餐, 要諗吓先), 睇完餐牌叫左個回鍋肉米粉餐$30凍飲+2 , 下次都唔會再幫襯凍檸檬茶好大杯, 不過只得冰味, 乜味都冇塊多士烘得剛好, 牛油份量啱啱好, 煎蛋同火腿不太油, 是成份早餐最好食部份回鍋肉米(少米) 只得顏色, 冇味

約咗美容朋友食lunch，朋友經過呢間野話佢嘅茶餐OK，咁我哋就入去坐低，然後我哋兩個嗌咗特餐，以為實冇衰，點知個特餐完全冇味，我以為淨係我嗰份係咁，結果我求證左朋友之後，都係一樣淡而無味但係眼見餐廳咁多人，完全唔知點解會咁多人囉，我要落勁多胡椒粉先至有少少味個奄列又係乜味都冇美容朋友話齋，呢一個特餐招呼左我哋嘅胃，但係冇照顧到我哋嘅味雷我朋友話之前order茶餐都冇咁差相比起隔離義記個價錢差唔多，但係呢間難食好多，所以唔怪得隔離排長龍

It was the worst experience I had. The food is bad and the cashier probably the son of the owner, keep playing mobile phone and game, even there are customers waiting to order for food. Poor attitude and not helpful with orders...a big NO for me and wont go again.

開頭諗住食茶記會無咩問题又見到間鋪頭入面好多人食以为唔會中計啦點知叫左個xo乾炒牛河黎到就知道中唒計第一無色既從未食過錦淺色既乾炒牛河第二完全無xo味都算最大問题係啲油多到可以浸面，食完一啖抹出黎全张紙都係油，好啦我就問個侍應，啲油多到錦點食吖？佢答我小姐食乾炒牛河就係要用錦多油，真心我係一個牛河迷，從未食過最難食既牛河，同埋我覺得一間餐饮，最基本要有服务，啲服务真係差到。。。。一個字形容差依間野真心推介唔到

今晚在美斯茶餐廳食晚餐於佐敦，吃一碟窩蛋免治牛肉飯，牛肉碎鮮香惹味，配以雜菜粒如洋蔥、紅蘿蔔青豆栗米等，再加上以茄汁配合蘑菇汁等作免治芡汁，以及窩蛋黃的香味混合，整碟西式免牛飯自然惹味無窮。