Stacks (已結業)

大隻仔間雪糕店開左咁耐先第一次黎食，上個月經過附近搵過一次，但係搵唔到所以放棄無食，今次好彩有朋友帶路先搵到，原來鋪頭係商場入面，唔掛得之前搵唔到。行到去，見到大大個大隻仔，就知道搵岩地方。泰式奶茶味雪糕 配菠蘿包 ($48) 雪糕三文治就食得多，但係用菠蘿包做三文治，真係第一次食，創意無限！菠蘿包即刻烘熱，所以會熱熱哋同埋個底有啲脆，味道無一般菠蘿包咁甜，配雪糕啱啱好。自選雪糕揀咗泰式奶茶，奶茶味真係非常香濃，而且唔會過甜，真係好似飲緊泰式奶茶咁，個雪糕無冰感而且唔會好快溶，夾埋菠蘿包一齊食幾得意。整體黎講，我覺得個泰式奶茶雪糕好好食，雪糕比菠蘿包出色，淨係食雪糕都好唔錯。