瀧赤料理 (已結業)

喺巴倫紐對面有間新嘅日本料理，之前行過都見到好多人幫襯，可能今日落住大雨，加上仲早，就唔算好多人，之後陸續就多人D。呢度有刺身、壽司、一品料理、飯麵、少量串燒供應。我地兩個人都叫左唔少野食，整體都好抵食呢壽司方面我地點左火炙左口魚、火炙帶子壽司、玉子壽司、原條鰻魚(7吋)壽司等等，火炙左口魚邊壽司燒起來魚質滑溜，燒過魚油溢出，我地不嬲都好喜歡火炙帶子分塩燒同汁燒，火炙過後都保持到帶子本身嘅鮮味，值得一讚！玉子壽司普普通通，京蔥吞拿魚蓉D蓉都夠滑嘅，不過平時多數食軍艦形式。最驚喜就係原條鰻魚壽司，足7吋長，鰻魚厚身，燒出來軟熟冇骨，又有魚香，成舊放入口，口感澎湃，以18來講，CP值高，正常來講，我食到起碼四舊，有下次瀧赤刺身飯料多，我盡能力記，有三文魚啊，蝦，北寄貝，玉子，帶子，仲有海膽tim，賣相吸引，而份量唔少，一個人一定足夠。最正嘅呢就係海膽啦，無腥味，鮮甜好食，証明係好新鮮其他用料雖然唔係大大件果種，但都收哂貨啦。串燒大蔥雞肉，感覺係用新鮮雞肉，仲連左少少皮，燒到好香。大蔥唔會燶，但又幾香，正。