—————————————————————
📍 Here Thai Market (沙田)
地址: 香港沙田沙田正街2-8號新城市廣場三期2樓A216號舖
1
2
✍🏻/食評/
◍ 泰式蟹肉奄列 $168
老實講一開頭見到佢嘅賣相同以往食開嘅蟹肉奄列好唔同，偏濕，以為口感會麻麻地，但一上枱已經聞到陣陣蛋香，金黃厚身嘅奄列切開後見到滿滿蟹肉，咖哩汁淋得夠多。入口蛋香滑溜，蟹肉鮮甜唔腥，咖哩汁帶微辣同椰香，層次感好豐富，唔會搶走蟹肉味，反而令整體更加突出，真係俾到我surprise！
◍ 羅氏蝦煲仔粉絲 $148
羅氏蝦煲仔粉絲都做得唔錯，蝦隻隻都夠大隻，蝦肉爽彈，d粉絲吸晒蝦汁同sauce，入口鹹香夠味但去到最後會有啲偏鹹，如果配白飯一齊食會更好。個煲keep到熱，食到最後粉絲都唔會腍晒
◍ 泰式豬肉碎生菜包 $88+10
其實呢個菜式本身係豬肉碎，但我特別加個生菜變成生菜包食落感覺冇咁heavy，豬肉碎炒得粒粒分明，香料味重，有洋蔥、香茅、辣椒同酸汁，幾開胃。生菜新鮮爽脆，包住豬肉一齊食，食落去清新又有層次，唔會膩。
