更多
2016-01-03
467 瀏覽
新商場落成,店舖陸陸續續裝修營業,發現有間環境唔錯嘅cafe,原來係龍門冰室嘅分店,店內有茶餐廳嘅餐牌,亦有cafe嘅餐牌,任君選擇。叫左一份傳統英式早餐($68),好豐富呀,有炒蛋,茄汁豆,煙肉,豬肉腸,煙三文魚,蕃茄仔,大啡菇同厚多士。蛋炒得超滑,最正係大菇!!鮮味多汁!加上兩塊塗滿牛油嘅厚多士,又香又飽肚。另一份叫左香蒜牛油帶子炒意粉($72),炒得香口有鑊氣,好味,帶子蒜頭同意粉都係黃色,少了點色彩,但味道認真唔錯㗎芝士肉醬焗薯條($25),口痕再加了一份小食,芝士熱辣辣香噴噴~炸得金黃嘅薯條吸了芝士同肉醬,正斗!朋友話想食下奶油脆豬($23),又追加左一份,一客有四件,烤得香脆,大量嘅牛油同煉奶成亮點。Vanilla Macchiato($31),這個有點失望,一啲雲呢拿味都飲唔出,同一杯普通嘅凍啡無分別。Signature Chocolate($28),呢杯好濃朱古力味,不過甜,好飲。意猶未盡再添加一份甜品,Your Waffle($48),揀左芝士窩夫,雲呢拿雪糕,藍莓醬,香蕉topping,幾豐富!窩夫烤得香軟,小小芝士味不太突出,但勝在熱辣辣,大份又好味,抵食。期待商
期待商場開張再黎食過先。
張貼