橫掂都準備搭車返屋企，斬多盒料先啦🔪🥡
本身諗住買1-2款，點知見到個價錢幾抵🤑
最後買左4款🤭真係返去煲個白飯就夠🍚
~•~•~•~•~•~•~•~•~•~•~•~•~•~•~•~•~•~•~•
▪ 至尊燒鵝 1/4隻 ($110)🔥
熱辣辣既燒鵝，淋埋燒鵝汁落去，
omg，可唔可以俾我偷食一舊先呀🤤
燒鵝外皮皮脆，肉質地腍身，易咬開，唔會韌😌
充滿鵝油香，又多肉汁😋
點埋我至愛既甜酸梅醬，中和番個油膩感，好正😎😎
老豆話好味到，要即刻開罐啤酒，啤啤先🍻
▪ 燒味佬叉燒 ($50) 🐷🐽
肥瘦適中，面頭加左蜜汁🍯令立立好靚，
最正係冇燒到乾爭爭，仲係淋身，啖啖肉，好爽😜🤪
▪ 玫瑰豉油雞 半隻 ($30) 🐔🐓
雞肉好嫩滑，用左特製醬油浸，上色上得均勻。
醬油帶少少香甜，夠入味，唔會得個鹹字😏
唔係得雞皮有味，肉都夠晒味，雞有雞味🤣
▪ 海蜇燻蹄 ($36) 🐷🐽🤌🏼
天氣開始熱熱地🥵用涼盤做餐前小食真係一流💨
師傅切到片片厚薄都好平均，燻蹄肉質軟嫩。
識食一定要連皮食，骨膠原呀嘛💃🏻
海蜇沾滿芝麻粒，再加埋麻油，好夠香味🤗
不過就鹹左少少🤏🏻🤏🏻如果淡d會更好。
口感方面 爽口💥脆身，🙅🏻♀️唔會好似橡筋咁🙅🏻♀️
~•~•~•~•~•~•~•~•~•~•~•~•~•~•~•~•~•~•~•
總括黎講依個價錢，有依個質素真心抵👍🏻😌
細個係屋企等開飯，見親有斬料都特別開心。
(🎼唱番句 : 斬料 斬料 斬大舊叉燒🎶)
今次我一次過斬4盒料，我仲氹唔到你地特別開心X4😆
結果係…成家人都食得好滿足，享受左一餐豐富既斬料晚餐😋🤤🥰
