影片
更多
2020-04-26
42 瀏覽
今日行開南豐紗廠，呢個地方真係好友文青氣息，啲人放假都會嚟睇吓依度嘅文創店，每間舖頭都有好多唔同嘅特色。南豐紗廠有個露天公園，可以俾人放狗，有啲位可以俾人坐，吸吓新鮮空氣。公園對出有一間餐廳，係美式快餐店，原來就係之前係全亞洲最佳漢堡店榜上有名嘅Honbo，因此慕名而試。入去同美式快餐店一樣，係門口點餐，比埋錢，佢會送餐比你。自己可以揾bar枱位或座椅坐。餐廳裝修行美式風格，顏色光鮮，令人睇落好精神。餐牌非常簡單，有十款左右既漢堡，可以加set送飲品+薯條等等既小食。店員都好有禮，且好老實，前面有個叔叔想burger就咁加飲品，就建議佢加Set平啲，如果唔係落下面7仔買仲平，哈哈。我地叫左一個Classic Burger+SetA，同Honbo+ SetA。首先黎左飲品先，佢有可樂同sparkling water簡，背後係對住出面公園個景，其實真係好舒服。唔小放狗人士都帶埋狗仔入黎鋪頭添。等左一陣終於黎左野食。小食份量極多，極度建議+Set。薯條熱得黎唔會好油，要用好高油温炸先做到，值得一讚。另外薯波類似細粒既薯餅，都外脆內軟，表面無乜油，食落較乾身唔錯。可以加蜜糖芥末/茄汁點黎食。C
南豐紗廠有個露天公園，可以俾人放狗，有啲位可以俾人坐，吸吓新鮮空氣。公園對出有一間餐廳，係美式快餐店，原來就係之前係全亞洲最佳漢堡店榜上有名嘅Honbo，因此慕名而試。
入去同美式快餐店一樣，係門口點餐，比埋錢，佢會送餐比你。自己可以揾bar枱位或座椅坐。餐廳裝修行美式風格，顏色光鮮，令人睇落好精神。
餐牌非常簡單，有十款左右既漢堡，可以加set送飲品+薯條等等既小食。
店員都好有禮，且好老實，前面有個叔叔想burger就咁加飲品，就建議佢加Set平啲，如果唔係落下面7仔買仲平，哈哈。
我地叫左一個Classic Burger+SetA，同Honbo+ SetA。
首先黎左飲品先，佢有可樂同sparkling water簡，背後係對住出面公園個景，其實真係好舒服。唔小放狗人士都帶埋狗仔入黎鋪頭添。
等左一陣終於黎左野食。小食份量極多，極度建議+Set。
薯條熱得黎唔會好油，要用好高油温炸先做到，值得一讚。
另外薯波類似細粒既薯餅，都外脆內軟，表面無乜油，食落較乾身唔錯。可以加蜜糖芥末/茄汁點黎食。
Classic burger：入面塊牛肉好大塊，但略為乾身，全靠佢既House Sauce令到佢個飽變番Juicy，配埋蔬菜，整體黎講都幾好食
Honbo：變左有兩塊細牛，同多左芝士，感覺會多啲汁，感覺豐富點，好食過classic burger，果然係招牌菜。
食完再飲番罐zero/氣泡水，慢慢食埋啲小食，望住室外環境都幾chill，唔怪得唔小人都帶出去公園食！
總結，honbo啲漢堡同小食都不錯，我自己比較鍾意食honbo同佢薯波。有機會到南豐紗廠經過，都係個唔錯選擇。
張貼
