高山文化咖啡廳

同朋友去咗呢間高山文化咖啡廳，間cafe裝修幾有日本喫茶店feel，坐得幾舒服。我哋叫咗個All Day，份量夠晒多，炒蛋好滑嫩，煙三文魚好惹味，雞胸味道都幾唔錯，而且幾嫩滑。
-
個餐仲可以跟飲品，我地揀咗杯榛子鮮奶咖啡，堅果味幾出，飲落好暖胃。
-
另一款叫左青瓜非洲雞蛋慢煮雞胸意大利粉，個名夠晒特別，雞胸慢煮得啱啱好，非常嫩，一啲都唔嚡口。而意粉方面就帶少少辣，食落幾開胃，意粉嘅口感亦都好彈牙。跟餐加咗抹茶鮮奶，茶味夠濃。
-
另外仲有加飲品同餐湯，紅菜頭湯味道好濃郁，而且營養十足，真係超正。抹茶Latte都幾好飲，抹茶味幾突出，飲落口感都好綿密。
-
最後試咗件法式千層酥，酥皮脆身，中間嘅奶油唔會太甜，大滿足。
-