HIKARI

Hikari 店舖有兩屋樓，裝潢設計簡約，木系餐桌令人覺得悠閑舒適。中午時間約咗朋友食飯，我哋揀咗窗枱位置坐，別有一番格調，嘆杯咖啡享受悠閒的午餐。頭頂盞燈懷舊復古，望住窗外景緻好療癒。煎封法國油鴨髀牛肝菌意大利飯賣相討好，份量足夠，鴨皮好薄脆，肉質嫩滑唔鞋，牛肝菌豐富，意大利飯軟硬適中。日式櫻花蝦蟹肉蘆筍扁意粉意粉好Creamy，櫻花蝦鋪面很滿足，搭配蘆筍，口感多層次，意粉軟硬適中又掛汁。丸久小山園抹茶鮮奶海豚拉花超級醒目，抹茶味突出，同鮮奶比例正好，唔苦澀，甜味適中。Iced Latte 咖啡味好香，口感爽滑，凍飲更爽口，好適合夏天飲用！