Aldou Cafe (已易手) 新餐廳

好少會嚟元朗食飯，今次嚟到呢間文青咖啡店，簡單嘅裝潢仲有平民價嘅食物，一於試下。點了二人餐，應該是最抵食的。選擇又多，而且價錢又經濟。頭盤當然係餐湯同餐包啦！餐湯係每日都唔同嘅，今次嘅餐湯係蕃茄湯，幫到都覺得應該係好creamy。而飲落真係好新鮮，而且絕無味精。仲要係真材實料，真係有蕃茄係入面嫁，唔係溝水咁簡單。所以真係好鮮甜味。餐前小食就選擇左清酒煮蜆，份量非常充足。而且都好大隻，開頭以為會係細細隻咁，但無諗到每隻都好大啖肉。蜆肉都有一隻匙咁大，真心覺得抵食。主菜就揀左黑松露巴拿馬火腿意大利飯，一上碟已經好濃嘅黑松露味，非常香。意大飯不嬲都好硬咁，但呢度好淋而且都好creamy，黑松露味非常濃。最後點了甜品朱古力奶凍。朱古力奶凍唔升好甜，而且好細滑，岩晒飯後甜品。