Aldou Cafe

86
9
2
電話號碼
26199933
營業時間
今日營業
12:00-17:00
18:00-22:00
星期一
12:00-17:00
18:00-22:00
星期二
全日休息
星期三至日
12:00-17:00
18:00-22:00
付款方式
Visa Master 現金
座位數目
28
其他資料
Wi-Fi
酒精飲品
自帶酒水 詳細介紹
切餅費 詳細介紹
電話訂座 詳細介紹
加一服務費
食評 (101)
Happy Friday Dinner 焦點食評
等級4 2017-11-01
348 瀏覽
終於望到星期五,又係揾好野食既日子,上網睇到呢間Aldou Cafe的comment唔錯, 是一間特色小店(我怕嘈,人小d靜d)!食完覺得叫既每樣嘢都好食,所以真係要post上黎讚吓!餐牌勁多選擇,最後order了南瓜忌廉湯、香焗比目魚、虎蝦配香草忌廉汁、鴨肝手打牛肉芝士漢堡配薯條、白酒忌廉煮大蜆、熱朱古力同果茶! 個湯有好香甜南瓜味,滑滑既口感; 比目魚焗得好靚,焗到個皮係脆嘅,而啲肉係好嫩好滑,同埋唔會有任何魚腥味 ,再配埋佢既香草忌廉汁 ,點綴得非常好! 虎蝦好彈牙,新鮮爽甜。 個burger都好正,鴨肝溝牛肉,真係別有一番風味,濃得黎唔酥,比起連鎖店甚至高級小小既三文治店嘅漢堡包,呢個真係畀十個like佢!  佢個薯條都焗得好好,大大條,粗粗肥肥咁,外脆內軟! 另一個都值得讚既係白酒忌廉煮大蜆,真係好大好肥美,鮮味十足,好抵食!  呢間餐廳好得意,佢係冇檸檬飲品的,可能佢d嘢唔肥膩唔洗消滯掛! 所以就叫咗朱古力同果茶。朱古力好濃好香好滑,果茶裏面係有一粒粒果肉嘅,好有口感!  整體食物都值得推介,下次一定再黎試其他美食。 繼續閱讀
(以上食評乃用戶個人意見 , 並不代表OpenRice之觀點。)
等級5 2017-03-13
5820 瀏覽
之前光顧過屋企樓下甚有氣氛跟盛意的Darci by Aldou後, 對於開飯網中評價十分高的總店 - Aldou Cafe甚有興趣, 趁星期五老公有一天的假期, 便去窺探這地區小店的總店水準。總店位於馬田路那邊的私人屋苑樓下, 深淺灰主調的門面頗為起眼未算很難找, 加上左右隔離都是食店。 正值午飯時間, 等位也是預料中事。 等位之際, 順帶看看餐牌。 午市套餐的選擇有9款, 配搭簡單而直接, 從名稱上已略懂內容用料的一二: 雞肉沙律、 三文魚意式包、 豬頸肉意粉、 豬肉腸意粉、 烤雞漢堡、 大蝦意大利飯、 豬肉眼和牛扒, 還有少不了的all day breakfast, 由最平的$52到最貴的$118, 豐儉由人的價位, 等了大概7、8分鐘就可入座。 總店比分店的佔地略為細小一點也較樸實, 兩邊窗戶令小店充滿自然光, 悠閒舒服, 靠窗的高座最為享受窗外風景, 不言而喻的位置亦最多人選擇, 溫暖的擺設細節不及分店精緻, 但仍有可觀性, 牆上用燈帶圍成的狗圖案也成焦點。 點餐後不久就送上餐湯和烘熱了的麵包。 餐湯是甘筍薑湯, 薑味很突出但不至搶喉, 跟香甜甘筍原來也蠻平衡配合, 質感打得頗為濃稠幼滑, 加入黑胡椒碎後令味覺更添刺激辛辣, 令人帶有期望的開始。 只是鬆軟麵包雖保持了應有的熱度和軟熟度, 但這個“芝麻漢堡包”跟餐湯不太搭檔。 隨後主食緊接而上, 不得不讚速度的把握。香蒜煙肉豬肉腸意扁意粉 $65蒜片、 洋蔥、 車厘茄、 鮮菇、 煙肉和豬肉腸切片, 份量多得幾乎把意粉也淹沒了。 炒香了的配料跟香草的調味, 令味道層次豐富, 相當惹味。 發掘之下, 原來扁意粉也不少, 煮得剛好, 軟硬適中之餘, 亦保持了彈牙嚼勁的口感, 油潤的麵條帶有橄欖油香, 意粉這一環不論總店分店都做得很不錯。美中不足之處是碟底剩餘非常多的油份, 令吃到尾聲有點膩。 All day breakfast雖可滿足心多的胃口, 但這天沒有點上, 要探究高低還是選擇了: 大蝦野菌忌廉意大利飯 $72陣陣的松露香顯然是落得不留手, 增添口味濃郁, 意大利飯甚有咬口, 忌廉汁帶濕潤而又收得剛好, 口感頗有水準, 果然澱粉質類是店方的拿手好戲。 三大隻蝦經處理過沒有雪藏痕跡, 稍稍煎過而又不會過熟, 爽口彈牙。 配料簡單地加有鮮菇和車厘茄, 灑上香草, 令這碟意大利飯添畫龍點睛之效。 所有主食都會免費跟一杯凍果茶或有機茶。 有機茶還可以選擇: 茉莉花、 伯爵或洋甘菊, 不用加錢的熱有機茶也附上茶包, 所選的洋甘菊沒有加入蜜糖也是順喉。 而餐飲的凍果茶是菠蘿橙茶, 酸甜的果茶加上杯中的果肉, 是每次均選上果茶的理由。 午市套餐由餐湯麵包、主食到餐飲, 稱得上是豐富, 加上午市不設加一服務費, 雖然價錢於元朗區來說未算是經濟實惠的界別, 不過以質素來說已遠超部份進駐新界西北的連鎖西餐品牌。 總店的質素是預計之內的好, 但味道及烹調手法個人較喜歡分店那邊, 加上地理位置的優勢, 分店相比下是較得我歡心呢。 繼續閱讀
(以上食評乃用戶個人意見 , 並不代表OpenRice之觀點。)
來呷一份悠閒 焦點食評
等級4 2017-03-09
3398 瀏覽
這天來到怡豐花園旁的aldou cafe,玻璃窗以及不少綠色植物,簡單而清新,讓人感覺休閒寫意。看一看門外的set dinner menu,價錢不貴,今晚一個人的晚飯就鎖定在這兒吧!日式和風蒲燒鰻魚意粉($98)意粉用上原條鰻魚,長度幾乎橫跨整個碟,份量十足,收費$98確實是「元朗價」,如果同樣岀品在尖沙咀吃,相信價錢起碼要收兩倍吧。滑嫩而充滿膠質的鰻魚加上甜甜的燒汁,味道甜美,燒汁份量尤其恰到好處,不會太少,又不會太多致過鹹。意粉也同樣岀色,煮到al dente,彈牙爽口,很有口感,而且每條意粉都色澤亮麗,十分入味,充滿燒汁、蒜油和蘑菇香。+$28 也可升級套餐,有餐湯以及(甜品或飲品)。是日餐湯為粟米羹,味道濃郁,而且入口啖啖粟米粒,口感豐富。既然有溫水提供,身為甜魔當然要試試甜品!是日甜品是blueberry cheese cake。雖然只是daily dessert,但岀品亳不馬虎。蛋糕質感濕潤,芝士香濃creamy,加上酸酸甜甜的藍莓醬,吃完整件蛋糕也不覺濟。是晚每樣食物都深得我心,加上店內處處洋溢的休閒氣氛,值得推薦給每位想輕食慢活的都市人。 繼續閱讀
(以上食評乃用戶個人意見 , 並不代表OpenRice之觀點。)
等級3 2017-11-09
71 瀏覽
球場對開嘅街角...見到有間好有格調嘅餐廳門面及promotion $1嘅餐牌放在當眼處... 咁就俾佢引咗埋嚟睇下個餐牌,又好靚,又好吸引喎... 就呢間啦~牆上當眼處,有呢個貓燈飾~剛坐低,職員詳細講解有乜嘢特色推介~忌廉湯襯住柔和嘅燭光~大蝦、鱈魚全部都好多好處,煎得香脆、鮮嫩~滑一滑嘅鱈魚,襯住薯蓉、脆黃瓜,連side dish 質素都講究,薯蓉同黃瓜都好味~發現佢有個靚嘅意式咖啡機...😻但係已經天黑咯,為免瞓唔着,都係點咗跟餐嘅果汁特飲~ 繼續閱讀
(以上食評乃用戶個人意見 , 並不代表OpenRice之觀點。)
等級4 2017-10-29
157 瀏覽
朋友成日路過劇院同新元朗圖書館,見到呢間餐廳中午同晚上都成日滿座,甚至有人喺出面排隊等候,都知道佢一定係好受歡迎。於是今晚同朋友就去食吓,試一試佢係咪真係咁好食。 我叫咗一個前菜係白酒忌廉煮大蜆,主菜就係鴨肝手打牛肉芝士漢堡配薯條。Hm……Yummy!  大蜆一到,睇到肥dudu、大大隻既蜆就知佢新鮮啦!即刻一口咬落去,嘩,好香好新鮮呀!心裏舉起手指頭! 我估唔到入黎呢間小餐廳有海鮮食,更估唔到佢咁新鮮(開頭都只係諗住博一博),佢用白酒忌廉煮,唔會蓋過蜆味,好match!跟住黎就係個鴨肝手打牛肉芝士漢堡配薯條, 成個包好豐富,中間夾咗個鴨肝手打牛肉,中間有菜有蕃茄有芝士,個包脆脆的。一切開,見到熱騰騰既煙走出黎,一啖咬落去個鴨肝牛肉到,好juicy, 好林,唔散,可能佢溝咗鴨肝,令到牛既騷味冇咗,好好味,食落有几種口感,可encore!我明白佢點解成日都full, 好食得黎價錢都唔貴! 繼續閱讀
(以上食評乃用戶個人意見 , 並不代表OpenRice之觀點。)