影片
更多
2013-01-15
25 瀏覽
家住大圍，對依間小小拉面店完全無印象，自從上左電視節目，先開始留意將佢安排入開飯行程。因為有話賣完就關門，所以同朋友收左工馬上趕黎。到達門口大約七點，門外已有長長人龍，等左半個鐘左右終於入到去。首先，覺得店方安排得唔錯，雖然係門外等位，不過侍應小姐已經派Menu，同俾紙仔大家畫野食，等差唔多到就收紙叫廚房準備定。值得一讚。終於入到去，因為店面太細，所以同朋友２個人坐埋方台一邊，都幾辛苦，同後面食客都背貼背。我叫左個蟹黃蟹腳拉面，味道偏咸，其實有少少蓋左個蟹黃味。蟹腳有兩隻，不過細左少少，個湯有少少膩，所以最後無飲曬。個面跟半隻溫泉蛋, 好好食。所有拉面可以選面質軟/普通/硬, 湯可以選濃/普通/淡,或者要唔要蔥。依個拖羅脆餅正！非常建議大家試下！有兩塊，拖羅味道唔錯，新鮮香軟，加埋香脆米通一樣既薄餅，實在一流。八爪魚最開始食幾好味，但係食落就有少少膩而下面既炸年糕就外脆內軟海老餃子每隻都有一隻蝦，不過個人唔鐘意咁多肉, 變左食唔到蝦既口感。
因為有話賣完就關門，所以同朋友收左工馬上趕黎。
到達門口大約七點，門外已有長長人龍，等左半個鐘左右終於入到去。
首先，覺得店方安排得唔錯，雖然係門外等位，不過侍應小姐已經派Menu，同俾紙仔大家畫野食，等差唔多到就收紙叫廚房準備定。值得一讚。
終於入到去，因為店面太細，所以同朋友２個人坐埋方台一邊，都幾辛苦，同後面食客都背貼背。
我叫左個蟹黃蟹腳拉面，味道偏咸，其實有少少蓋左個蟹黃味。蟹腳有兩隻，不過細左少少，個湯有少少膩，所以最後無飲曬。個面跟半隻溫泉蛋, 好好食。所有拉面可以選面質軟/普通/硬, 湯可以選濃/普通/淡,或者要唔要蔥。
依個拖羅脆餅正！非常建議大家試下！有兩塊，拖羅味道唔錯，新鮮香軟，加埋香脆米通一樣既薄餅，實在一流。
八爪魚最開始食幾好味，但係食落就有少少膩而下面既炸年糕就外脆內軟
海老餃子每隻都有一隻蝦，不過個人唔鐘意咁多肉, 變左食唔到蝦既口感。
題外話/補充資料：
整體黎講, 依間拉面店食物都係偏咸的, 怕咸既食家要注意一下, 選濃味就會好咸, 建議選淡味。
店有自助木炭水, 其實只係水入面放一條木炭, 不過個人覺得個味唔錯,飲左好多杯。
另外, 拉面黎講係大圍區真係偏貴, 最平都65大元, 仲要每碗面既叉燒都得1塊, 再加肉要另叫。
環境方面適合食完就走,流水式, 唔適合想坐好耐同飲野傾計既朋友。
(以上食評乃用戶個人意見 , 並不代表OpenRice之觀點。)
張貼
