緣聚 (已結業)

早兩日和Sikky短聚一番，相約去食放題，任食想食什麼就點什麼，刺身、壽司、炸物、手卷、沙律、燒物等等都有，輕鬆暢談飲飲食食。元朗的緣聚有加$168升級放題，榴槤、生蠔等食材都任食，食到捧着肚子走。生蠔是兵庫縣室津生蠔，肥美大隻，飽滿的肉身脹卜卜，鹹鹹的海水味加上餐廳特調醬汁，鮮甜感豐富，新鮮而不感腥味。叫了足足一打，因為大大隻，其實食完都有少許飽，各款刺身，切得厚薄適中，略沾芥末豉油，繼續刺激食慾。赤蝦刺身、油甘魚、八爪魚、三文魚、吞拿魚等等，正常放題有的都有。另外因為升級，有拖羅食，油脂分布均勻，不腥，肉質色澤新鮮，入口軟嫩可口，會想追加的。至於火炙壽司同樣例牌必叫，經火一燒的味道，就是別有風味，有燒過的惹味感，肉質半熟半生狀態，嫩肉質感，食多兩件都未覺得夠。其中的火炙三文魚和火炙帶子叫了幾回。雖然下面連帶一口壽司飯，但飯的份量好小，所以食完感覺好似無食，結果造就不停食不停叫。而且上菜速度都幾快，這邊一下單，不一會兒就送到面前。其他的手卷反卷沙律，我就無叫太多，反而焦糖菠蘿和泰國D24榴槤就叫了好幾回。菠蘿酸甜多汁，越食越開胃。榴槤大大隻，奶黄色澤飽滿緊致，入口如雪糕般溶化，其實食