56
0
0
電話號碼
37554237
60804304 (WhatsApp)
營業時間
今日營業
12:00 - 15:00
17:00 - 23:00
星期一至日
12:00 - 15:00
17:00 - 23:00
以上資料只供參考, 請與餐廳確認詳情
有關餐廳
食家推介
相關文章
10幾年前放題開到一街都係, 之後經歷左唔同既熱潮同埋疫情可以站得住腳既日式放題餐廳真係唔多, 而且因為成本控制, 品質都每況愈下有時寧願幾百蚊去食打邊爐放題, 不過今日朋友帶我見識到日式放題既天花板又令我重新喜歡番首先正價時段價錢最貴都只係298, 已經可以自選兩個小時, 加多$190仲有生蠔, 海膽手卷等全131品如果特價時段既晚市由17:00 開始食到 19:00 只係$238!!性價比咁高所以全場FULL HOUSE, 黎食之前最好打定電話預約!!國際慣例, 一坐低緊係叫個刺身拼盤先今次加左錢當然叫埋生蠔刺身拼盤同生蠔同樣夠凍第一感覺已經係安心左先叫既份量會跟足落單數量, 一定唔會少而且無漏單情況特別推介佢既甜蝦同埋黑鯛魚刺身, 個種鮮甜真係回味至今!!生蠔尺寸都算大, 肥美飽肉串燒同熟食種類都極多胃就得一個.無辦法試晒咁多款但so far無咩伏野或有特別唔好食既印象推薦佢既蟹肉茶碗蒸, 壽喜燒鍋以及蟹肉他他茶碗蒸既湯汁鎖進滿滿既食材小小一碗就有濃郁既鮮味同滑嫩細緻口感, 雙重享受壽喜燒鍋係誠意之作, 牛肉份量多, 面頭仲有一塊仔牛油令湯底更加香濃蟹肉他他直情係高級西餐先會見到既靚靚前菜, 仲有小童版, 份量細d但小朋友可以動手食!!飲品方面估唔到有啤酒飲飲, 仲要係靚既日本啤!!基本既茶同汽水都有齊. 超過10幾款嫌悶既話仲可以點特飲, 有唔同口味既梳打口味獨特既青柑鮮奶梳打, 少少果味同奶味原來同梳打係咁夾!甜品除左雪條, 雪糕仲有芝士蛋糕, 芭菲等等少女心爆發叫晒兩款芭菲, 超好食!!!!!!!!打卡又超好睇!!!!!!!呢間放題已成為心目中日式放題既首選! 如果係九龍區都開就完美啦!!
繼續閱讀
有一段時間沒有吃過放題自助餐了，這次知道元朗有新開的西日放題，加上是有生蠔供應的，馬上被吸引來了！經過一條掛有日式燈籠的木糸樓梯，走進餐廳，裝潢有西式和日式的風格，座位上有裝飾的紅白間條簷篷，頗有趣呢～天花吊燈很閃閃發光很美，餐桌椅都像平日的西餐廳。而另一邊是日式風格的坐位式tatami。是一間裝潢很有心思的放題餐廳呢！不同時段不同套餐不同價錢的，大家可再作選擇～普通套餐$228起都有110樣食物可以任點任吃啦！我們這個是♡晚市自選兩小時$288+$190升級(合共131樣食物任均選擇)。入座後安坐坐位用QR code點餐下單就可以了。刺身有三文魚、油甘魚、黑鯛、吞拿魚、榮螺、帶子、甜蝦、赤蝦、深海池魚等。特別推介:✨️即開時令生蠔生蠔雖然不是十分肥美，但鮮味十足，味道不錯，朋友也吃不少呢～✨️赤蝦十分大隻，有蝦的鮮甜味。我們也重複點了幾次啊！✨️火炙牛油赤蝦牛油汁經火炙後，呈半溶狀態，很滋味～而手卷是放進口幾口可以吃掉的大小，可以多嚐不同的款式。我們點了左口魚手卷、軟殼蟹手卷、海膽手卷嚐嚐，味道不錯。串燒特別推介:✨️比目魚西京燒外皮燒得香脆，肉質軟腍，帶魚油香味。✨️扇貝黃金燒扇貝配上大量醬汁，味道滋味。✨️芝士煙肉焗蠔芝士煙肉很滋味，配上焗蠔味道很有層次。熱食特別推介:✨️蟹肉茶碗蒸蒸蛋口感嫩滑，熱辣辣很有蛋香味。✨️壽喜燒牛肉鍋差不多是平日外面點的主食份量，還有金菇娃娃菜等很足料呢～湯底濃郁，而且牛肉肉味香濃。✨️明太子忌廉煙鴨胸手打烏冬明太子忌廉creamy好吃呢！手打烏冬口感煙韌，煙鴨胸味道也不錯。飲品方面有罐裝汽水、啤酒、烏龍茶等自取。也有一些升級了套餐的青柑鮮奶，外觀吸引！甜品方面:升級可以點Häagen-Dazs雪糕，沒升級也有多款雪條、雪糕可以自取。特別推介:✨️綠茶紅豆芭菲上面有抹茶雪糕、紅豆、威化卷，底部是木糠布丁。很有層次，味道豐富好吃啊！✨️朱古力心太軟熱辣辣，朱古力味濃郁。✔️餐廳設加一服務費
繼續閱讀
這間新開的日本餐廳位於元朗，鄰近元朗及朗屏站，主打日式放題，店內環境寬敞舒適，以日本為裝潢主題，有日本鳥居及榻榻米，更設有VIP房間，適合約會或多人聚會。特價時段 - $248下午五點至七點，星期五、六、日、公眾假期及假期前夕，另加一服務費升級 +$190任食全部131品即開時令生蠔，肥美飽滿的蠔身有奶油般的口感，帶淡淡海水清甜；金黃色的芝士煙肉焗蠔，有著濃厚的忌廉芝士添順滑感。刺身方面，爽滑柔嫩的深海池魚清新淡雅十分清爽；細緻又紮實的黑鯛富有口感且鮮甜；厚肉爽身的帶子好清甜；三文魚豐富魚脂充滿彈性；結實的吞拿魚赤身魚味好濃郁；細綿的甜蝦及赤蝦香甜黏口。海鮮方面，鰻魚及比目魚均以甘甜的西京燒製作，兩者含豐富魚脂香，鰻魚較為紮實爽口；牛油燒開邊赤蝦爽滑彈牙，有焦香的芝士；扇貝黃金燒飽滿細緻；白酒忌廉汁煮藍青口又香又滑；香脆的鱈魚乾拌上細滑的蟹肉他他；天婦羅大蝦及海膽醬帶子好鮮嫩。小食方面，大塊風味燒羊扒嫩滑多汁，毫無羶味；多款串燒如慢煮牛舌，厚切特別有口感，軟腍多汁；味噌煮牛舌連蘿蔔也好入味；芝士醬玉子燒紮實豐厚甜滋滋的；黑松露炒野菌爽滑彈牙帶陣陣飄香；味醂魚乾煙韌甘甜。沙律方面，新鮮翠綠的沙律菜，分別配搭外脆內嫩的軟殼蟹，以及角切三文魚及蟹籽，淋上柚子醋，清香又輕盈。飲品方面，自助櫃有多款罐裝及樽裝飲品；顏色分明的青柑鮮奶梳打，有著藍橙的酸甜，又有碳酸氣泡的清爽；柳橙水果茶清新的紅茶底富果香；梅酒酸甜帶果香；威士忌梳打較強勁和濃郁；麒麟生啤有著綿密的泡沫。甜品方面，燒菠蘿咬開有著香甜的果汁，焦糖脆皮更有陣陣肉桂香；日式焦糖布甸紮實又綿密，幼滑的忌廉有粒櫻桃；外脆內軟的鯛魚燒內有香甜的紅豆蓉，加少少吉士奶黃醬；酥軟的窩夫富牛油香，香甜的紅豆蓉配綠茶雪糕；每人包一杯Häagen-Dazs雪糕。
繼續閱讀
細佬生日指定要食呢間，原址重開更靚裝😍舊店都同佢去過幾次❤️而家更加靚裝😍任飲梅酒 大家都讚好高質清酒🍶梳打🍹都係任飲，超爽🧊本人覺得放題仲好過自助餐有人服侍，送餐，唔洗周圍走呢間服務都非常好👍🏻👍🏻👍🏻任飲任食人均港幣2百幾（多謝細妹請客💕）食刺生都抵返晒🍣扇貝茶碗蒸、壽喜燒都有🍲西式嘅又有，羊架都有🥩4位同行，生日嗰位半價8位同行，生日嗰位免費仲有蛋糕送🎂 雪糕蛋糕幾好味🍨小蜜蜂🐝好可愛甜品都任食後，好在個蛋糕唔算大都係儀式嚟架啫😙😙😙😙😙😙
繼續閱讀
我最近去了元朗的「緣聚」食放題。餐廳內的日式風格裝潢十分吸引，融合了日式藝術裝飾，讓人置身於日本的氣氛之中。緣聚的食物選擇可以說是令人眼花繚亂。從刺身、壽司、手卷、天婦羅、揚物、燒物、串燒等，有多種的食物種類供客人選擇。食物新鮮美味，三文魚刺身的肉質勻稱，帶子更是新鮮。值得推介必吃一定是新鮮生蠔，入口清新，口感幼滑，有少少海水味，加上其帶子位爽甜，蠔味較淺，容易入口。除了刺身壽司，緣聚的天婦羅、揚物、燒物都絕不失色。在眾多的食物中，我特別喜歡他們的蒜香牛油粟米、榴槤炸彈、肉桂焦糖燒菠蘿。天婦羅和揚物的炸粉厚度適中，尤其推薦海膽醬帶子天婦羅，出面很少餐廳可以食到。餐廳還提供了幾個大型的飲料櫃和雪糕櫃，讓客人可以自由選擇心儀的飲料和甜點。最後，甜品的選擇也相當多元化，如Rum酒提子黑糖蕨餅芭菲、Haagen-dazs雪糕、吉士奶黃鯛魚燒、忌廉焦糖布甸、木糠布甸等等，每一種都有其特色，相信可以滿足甜品控的需求。總括來說，緣聚是很高的CP值。日式放題來講絕對值得一食，無論是食物的選擇、品質，還是環境、服務，都讓人留下深刻的印象。
繼續閱讀