平成二十二日本料理 (已結業)

薯仔沙律佢個薯仔沙律整得唔錯，好有日本食到嘅薯仔沙律嘅感覺。黑豚生姜燒 少少甜嘅洋蔥，加上煮啱啱好嘅豚肉，師父煮得唔錯。煮牛腸牛腸炆得好淋一啲都唔韌,，佢啲蘿蔔炆得好入味，又香又甜又淋。甜粟米天婦羅，蟹腳天婦羅我最鍾意嘅粟米天婦羅，佢好有心機將粟米一片一片咁砌出嚟，再攞去製天婦羅，加上啲粟米好甜。蟹腳天婦羅都用料十足，佢用嘅炸粉唔會太厚，可以隔住炸粉見到材料 算唔錯。刺身船刺身方面都算多選擇，用料都好新鮮，啲大蝦帶子都非常大隻，刺身都大大件。燒物雞翼，牛脷，羊架，烤菠蘿，海蝦 ，每一種燒物都燒到啱啱好唔會過火，師傅手勢一流。除咗平時放題食到嘅嘢食外，今次還有蒸鍋，有幾種蒸海鮮。海鮮上枱時還會動，非常新鮮。鮑魚，扇貝，大蜆，龍脷柳，嘩正到爆！呢個價錢還有海鮮食,好抵呀！飲品甜品選擇都好多。