影片
更多
2018-03-15
281 瀏覽
呢排天氣時冷時熱，襯呢個禮拜六秋高氣爽，涼涼地 就拉埋另一半出元朗行下，感受一下郊外既氣息。呢間千賀水產有別於一般放題日式餐廳，另提供燒烤放題，實行冰與火之攻勢，總有一邊岩你。當日我地係食中午放題，但座位都頗為滿坐，每枱都一邊燒烤，一邊食刺身，熱鬧非常。我地一坐低，侍應會告知會先附上一份海鮮拼盤，所以我地可以唔洗點海鮮燒烤住，可以轉攻刺身、壽司。點完一輪紙後，當然出去睇下有咩飲品，竟然有somersby果酒任飲，當然二話不說拎罐飲飲。海鮮拼盤送到，有海蝦、鮑魚、蠔、扇貝等，各種海鮮類各有一款。另外我地發現係放題紙上有列明每款海鮮燒烤時間同煮法，十分細心，值得一讚。邊燒烤之餘，當然試下佢既刺身，三文魚、甜蝦、帶子等皆點一偏，好難得既係每一款刺身都好新鮮，三文魚肥厚帶點油脂香，甜蝦、帶子鮮甜而又清爽。質素之高 令我地一點再點。壽司亦都係水準之上，等別係蒲燒鰻魚壽司同左口魚壽司，每次放必點壽司。厚薄適中既鰻魚塊，塗上一層鰻魚汁，整口壽司放入口，任何一個愛鰻魚之人都會忍唔住口。左口魚則切得薄薄一片，入口慢慢溶為油脂，亦果可以再略略炙燒既話，相信味道會再上一層。另一邊廂，火爐上既海鮮已經慢慢烤熟
呢間千賀水產有別於一般放題日式餐廳，另提供燒烤放題，實行冰與火之攻勢，總有一邊岩你。
當日我地係食中午放題，但座位都頗為滿坐，每枱都一邊燒烤，一邊食刺身，熱鬧非常。我地一坐低，侍應會告知會先附上一份海鮮拼盤，所以我地可以唔洗點海鮮燒烤住，可以轉攻刺身、壽司。點完一輪紙後，當然出去睇下有咩飲品，竟然有somersby果酒任飲，當然二話不說拎罐飲飲。
海鮮拼盤送到，有海蝦、鮑魚、蠔、扇貝等，各種海鮮類各有一款。另外我地發現係放題紙上有列明每款海鮮燒烤時間同煮法，十分細心，值得一讚。
邊燒烤之餘，當然試下佢既刺身，三文魚、甜蝦、帶子等皆點一偏，好難得既係每一款刺身都好新鮮，三文魚肥厚帶點油脂香，甜蝦、帶子鮮甜而又清爽。質素之高 令我地一點再點。
壽司亦都係水準之上，等別係蒲燒鰻魚壽司同左口魚壽司，每次放必點壽司。厚薄適中既鰻魚塊，塗上一層鰻魚汁，整口壽司放入口，任何一個愛鰻魚之人都會忍唔住口。左口魚則切得薄薄一片，入口慢慢溶為油脂，亦果可以再略略炙燒既話，相信味道會再上一層。
另一邊廂，火爐上既海鮮已經慢慢烤熟。扇貝、貴妃蚌、蠔都大大份，再加上自己落手落腳燒，味道不其然更佳。值得留心既係要注意時間，如果燒得太耐就得不償失。
除此之外當然唔少得各種小食、炸物等。炸魷魚、炸雞軟骨，天婦羅送上時熱辣辣，好明顯地係新鮮炸好送上，香脆十足。
亦點左一窩海鮮粥，我地仲額外點左一小碗玉子，本來應該係烤熟黎食，但我地忽發奇想，加埋落窩粥到，令成件事更香更鮮。
事因太飽，所以連甜品既胃口都填滿左，但眼見種類都唔少，有機會再食均補返。
好難得放題店做到文又得武又得，冰火雙全。下次再到元朗的話必會再次幫襯。
張貼
