影片
更多
2019-06-20
132 瀏覽
今晚同朋友慶祝生日，佢話想食日本嘢，於是揀咗呢間網上食評唔錯價錢適中嘅日式放題。地點都算易揾，係正旺角MTR E1岀口隔離。終於唔使google map啦。哈哈！未落單之前，梗係來熟食自助區攞d嘢食醫肚先啦。有日式炸雞，章魚小丸子，葡撻，韓式泡菜餃子。開頭都以為自助區d嘢實攤到凍曬會好伏，點知又有返咁上下水準。個炸雞仲要係幾juicy。真係忍唔住食完又食。個嘢飲櫃選擇多到唔知點揀好，仲有埋熱飲櫃，真係夠曬貼心。刺身放題必點，有北海道帶子，北寄貝，甜蝦，鮑片，泰式生蝦，希靈魚，螺片。帶子夠大粒夠厚肉，食落鮮甜，一定要無限reorder 。其他刺身質素都唔錯，夠新鮮。炸物又點可以唔試，我哋點咗吉列蠔，榴槤炸彈，香芋丸，芝士年糕。間間放題都有炸物，但令人一試難忘真係無邊間。呢間嘅榴槤炸彈真係唔係講笑，咬落爆漿，仲有好濃郁嘅榴槤味，鐘意食榴槤嘅人一定覺得勁正。仲有吉列蠔都好Juicy。黄金焗帶子，開頭以為係用芝士焗，點知個汁係酸酸甜甜，加埋裡面係原粒大隻帶子，食落幾有驚喜。食到飽飽地一定要食返舊燒菠蘿消滯。鮮甜又多汁，正!甜品自助區選擇一樣好多，有雪糕，奶凍，木糠布甸，泡芙，豆腐花⋯前面真係食
未落單之前，梗係來熟食自助區攞d嘢食醫肚先啦。有日式炸雞，章魚小丸子，葡撻，韓式泡菜餃子。開頭都以為自助區d嘢實攤到凍曬會好伏，點知又有返咁上下水準。個炸雞仲要係幾juicy。真係忍唔住食完又食。
個嘢飲櫃選擇多到唔知點揀好，仲有埋熱飲櫃，真係夠曬貼心。
刺身放題必點，有北海道帶子，北寄貝，甜蝦，鮑片，泰式生蝦，希靈魚，螺片。帶子夠大粒夠厚肉，食落鮮甜，一定要無限reorder 。其他刺身質素都唔錯，夠新鮮。
炸物又點可以唔試，我哋點咗吉列蠔，榴槤炸彈，香芋丸，芝士年糕。間間放題都有炸物，但令人一試難忘真係無邊間。呢間嘅榴槤炸彈真係唔係講笑，咬落爆漿，仲有好濃郁嘅榴槤味，鐘意食榴槤嘅人一定覺得勁正。仲有吉列蠔都好Juicy。
黄金焗帶子，開頭以為係用芝士焗，點知個汁係酸酸甜甜，加埋裡面係原粒大隻帶子，食落幾有驚喜。
食到飽飽地一定要食返舊燒菠蘿消滯。鮮甜又多汁，正!
甜品自助區選擇一樣好多，有雪糕，奶凍，木糠布甸，泡芙，豆腐花⋯前面真係食得太飽，最後食埋雪米糍幫呢餐放題劃上完滿句號啦。
張貼
