番本日式放題 (已結業)

同友人食飯，走到旺角呢間番本，個款好似唔錯就入去幫襯，好快就有位。呢到食物嘅種類同款式相比一般放題都幾多，得兩鐘食就把握時間啦!食日式放題，識食嘅一定叫刺身! 我都唔例外。 話說呢到嘅刺身都唔差，三文魚件件都靚，整體賣相都幾好。呢個黃金焗蠔冇想像中咁好食，但都接受到，鍾意食蠔嘅你都可以一試。牛油炒雜菌，幾香幾好食呢個皇牌特大日本赤蝦刺身真係不得了，雖然要升級，但物超所值! 又鮮又有口感，鍾意食甜蝦嘅我真係讚不絕口!忌廉煮藍青口，開頭食都幾好味，但食得多就會好膩。炭燒紐西蘭羊架個賣相完全唔得，但點知食落又幾好味，又唔羶，仲幾香添。最後，有啲手卷、一品料理同炸物都幾好，但比較普通，講唔出特別，味道叫做可以接受啦。所以今餐我地兩個都食得幾開心，價錢合理嘅，有機會都會再幫襯。