大瀛喜日本料理 (已結業)

今日嚟到大瀛喜，一出lift都好多人等緊， 好彩職員安排位置快速，等咗大約五分鐘就有得入座。出面既自助區除左飲品之外仲有好多款唔同既食物，有特色卷物，冷熱盤同糖水，我就試左辣味螺肉，魷魚，炸餃子，炸鮮奶，牛油粟米，同埋吞拿魚蓉卷。藤椒魚皮好爽彈，加埋好香既花椒油調味真係會食唔停。泰式生蝦🦐刺身平時叫都好貴，呢度任食根系食多幾隻啦，泰式醬料好好味，酸酸辣辣好開胃。跟住就即刻落單第一輪，刺身🐟都係一如既往咁新鮮，三文魚同油甘魚好肥美，入口係滿滿嘅油脂香！壽司選擇都好多，黎到見到擺盤甘靚都知道好食😎 🍤天婦羅炸物好脆，好食。牛舌串好惹味，而且唔會好乾好實，我都食左兩串。🍡🍡燒乳鴿好推薦👉🏻皮脆肉嫩，咬落去個皮超級脆，入面香得黎又多肉汁，值得再叫！芝麻雞翼簡直係我既最愛，熱辣辣新鮮到不得了，出面脆卜卜好好味，入面仲好嫩滑添！絕對係平時想食日本野，諗都唔使諗唔會怕中伏既選擇！👍🏻👍🏻