更多
2021-05-03
16397 瀏覽
往年的5.1黃金週，一定會有大批市民北上或出國旅遊。今年的5.1黃金週，市民逼於無奈留港消費。因為已經超過一年冇食放題，於是答應和家長假期過嚟食放題慰勞一下佢地嘅辛勞。我地11:50喺655樓下搭𨋢上去，條人龍長到呢！架𨋢上到五樓打開門，成個大堂逼爆，好嚇人！服務員帶我地去咗四人座位坐低，成個場幾乎全爆滿，場面認真墟冚！家長急不及待出去睇吓有咩可以攞返嚟食住等，佢地就攞咗啲湯返嚟俾我飲。而我就密密㩒手機落order啦！首先當然要嚟個刺身拼盤先啦！點咗三文魚、油甘魚、劍魚腩、帶子、甜蝦、八爪魚。按各人可以吃到嘅份量嚟點餐，以免造成浪費！刺身：尚算新鮮，三文魚同甜蝦好鮮味，反而帶子冇乜味，略為失色呀！壽司類：海膽手卷、花之戀、左口魚裙邊、深海池魚、龍蝦沙律等，一啖一件，每樣試一至兩件，啱啱好！燒物：蒲燒鰻魚、西京比目魚、燒牛柳粒、一口牛舌、燒菠蘿等。前面幾樣幾好食，菠蘿則較酸！煮物：鮑魚蠔仔粥，唔知點解有酸味！而雪花肥牛鍋就不過不失，每人都分到半塊肥牛！炸物：榴槤炸彈同埋天婦羅南瓜同蟹柳，粉漿一如所料都係有啲厚。甜品：以榴槤雪條同可可貝妮雪糕作結！２成人 （$180+10%）+２長者（$1
今年的5.1黃金週，市民逼於無奈留港消費。
因為已經超過一年冇食放題，於是答應和家長假期過嚟食放題慰勞一下佢地嘅辛勞。
我地11:50喺655樓下搭𨋢上去，條人龍長到呢！
架𨋢上到五樓打開門，成個大堂逼爆，好嚇人！
服務員帶我地去咗四人座位坐低，成個場幾乎全爆滿，場面認真墟冚！
家長急不及待出去睇吓有咩可以攞返嚟食住等，佢地就攞咗啲湯返嚟俾我飲。而我就密密㩒手機落order啦！
首先當然要嚟個刺身拼盤先啦！點咗三文魚、油甘魚、劍魚腩、帶子、甜蝦、八爪魚。按各人可以吃到嘅份量嚟點餐，以免造成浪費！
刺身：尚算新鮮，三文魚同甜蝦好鮮味，反而帶子冇乜味，略為失色呀！
壽司類：海膽手卷、花之戀、左口魚裙邊、深海池魚、龍蝦沙律等，一啖一件，每樣試一至兩件，啱啱好！
燒物：蒲燒鰻魚、西京比目魚、燒牛柳粒、一口牛舌、燒菠蘿等。前面幾樣幾好食，菠蘿則較酸！
煮物：鮑魚蠔仔粥，唔知點解有酸味！而雪花肥牛鍋就不過不失，每人都分到半塊肥牛！
炸物：榴槤炸彈同埋天婦羅南瓜同蟹柳，粉漿一如所料都係有啲厚。
甜品：以榴槤雪條同可可貝妮雪糕作結！
２成人 （$180+10%）+２長者（$138+10%），CP值超高！我地嗌咗嘅食物，全部清曬，所以都食到好飽！
順帶一提，希望大家食放題或自助餐嘅時候，盡量食到幾多先嗌／攞幾多，唔好浪費食物啊！因為經過見到好多枱客人都食剩好多食物，真係睇見都心痛！
張貼
