火井火鍋海鮮飯店 (已搬遷) 新店位置

同學仔今年報左7科，major係鯇魚骨煲湯底，點知準備得太足，連條魚都煎到死晒，呢科就梗死啦。 主打果科都死，靠其他科拉分喇。好在跟住果科係墨魚剌身，easy桌，個A補番。再考科牛頸脊，輕輕鬆鬆又有A，鬼咩，牛頸脊最強咖。跟住的豬天梯同豬蹄根就出事，肥左科鯇魚骨煲湯底，科牛頸脊又剛剛考完未有味，豬蹄根都仲可以補考煮耐D，搵番個C，豬天梯就肥左佬。尾二考烏魚扣，一科未讀過，但人人都有報考又話學額不足有得讀幾大都讀啦，好彩都有個B。最後果科係牛利柧，真係有報都唔知市場響邊果隻。但有A喎。整體係3A1B1C2F，最後比飲食大學收左。