牧羊少年咖啡館 (白楊街)

營業中

休息中

是日放假，約左朋友出黎，諗住幫佢plan下佢下星期去墾丁既行程。之前睇電視介紹過依間cafe，話有大量旅遊書供應（可以睇下），加上友人大力推介話佢之前既一個星期日去過，覺得幾好坐又無人趕佢走，所以就約係果度。大約五點十分左右到達，仲有下午茶餐，不過都唔平，要四／五十蚊一個，都算喇，諗住可以坐耐ｄ傾下計plan下行程都差不多！我叫左一個窩夫配香蕉朱古力，朋友叫左個吞拿魚多士之類。個餐包一杯是日特飲／熱花茶／廿幾蚊以下既飲品。問題係，我搵完成個餐牌都唔覺有廿幾蚊以下既野飲，是旦啦，叫左杯是日特飲，保利要左杯咖啡。我地開始搵旅遊書同傾下計，旅遊書都算幾多既，可能墾丁又算熱門啦，都搵到兩本書睇下，睇左一陣ｄ食物就到，個窩夫都唔錯，幾好食，不過其實都幾少，得半件再加少少沙律及香蕉。個吞拿魚多士到喇，但完全唔係多士囉，似麵包多ｄ，好似無烘過咁。所以叫個侍應拎返去烘多次，還好佢都好有禮貌無"咋型"！食完哂野就開始傾行程，點知傾左一陣個侍應埋黎叫我地埋單！我Ｏ哂咀問係唔係即係要走？佢話係，因為出面開始有人等位！！！搞錯呀，果時七點都未夠，坐左唔夠兩個鐘？！搞到我勁唔好意思，咩都傾唔到又要轉場，激死人！