影片
更多
2022-06-24
26 瀏覽
炎炎夏日，最適合就係去淺水灣暢泳，度過悠閒時光。游完水，當然要去附近搵食，今次就揀咗呢間以明火「備長炭」燒烤美食作招徠嘅「笑酤和味炭燒」。餐廳地理位置十分優越，環境舒適，座位闊落，安坐其中，更可以眺望沙灘上嘅無敵靚景，感覺好 Chill。餐廳平日午市有 Lunch Set 供應，選擇好豐富，而且定價亦頗親民。點咗兩個定食，另外再加咗鱈魚干、刺身、小卷同蝦天婦羅。香脆鱈魚干：條條都燒得好香口，夠乾身，火候控制得宜，咬下脆卜卜，蘸點蛋黃醬吃，美味！三文魚刺身 ($98)：一客有 3 片，件件都超厚切，肉質豐盈肥美，入口鮮甜滑嫩，食落唔會有「渣」。三文魚小卷 ($88)：水準亦唔錯，即點即製，外面嘅紫菜好脆口，飯粒香軟，包裏住嘅三文魚亦挺新鮮。另外呢客蝦天婦羅 ($188) 亦好有驚喜，成品選用了大碼虎蝦，外層炸衣金黃薄脆，而且保留了蝦肉嘅鮮味，入口香酥不膩。兩客定食接著送上，每份均配有蔬菜沙律、味噌湯、白飯或烏冬。備長炭 M5 和牛定食 ($260)：和牛燒得啱啱好，表面微微焦香，食落柔嫩又多汁，油脂比例亦啱啱好，入口牛味非常濃郁，帶陣陣炭燒香，牛魔絕對唔可以錯過。備長炭串燒拼盤定食 ($
炎炎夏日，最適合就係去淺水灣暢泳，度過悠閒時光。游完水，當然要去附近搵食，今次就揀咗呢間以明火「備長炭」燒烤美食作招徠嘅「笑酤和味炭燒」。
餐廳地理位置十分優越，環境舒適，座位闊落，安坐其中，更可以眺望沙灘上嘅無敵靚景，感覺好 Chill。
餐廳平日午市有 Lunch Set 供應，選擇好豐富，而且定價亦頗親民。點咗兩個定食，另外再加咗鱈魚干、刺身、小卷同蝦天婦羅。
香脆鱈魚干：條條都燒得好香口，夠乾身，火候控制得宜，咬下脆卜卜，蘸點蛋黃醬吃，美味！
三文魚刺身 ($98)：一客有 3 片，件件都超厚切，肉質豐盈肥美，入口鮮甜滑嫩，食落唔會有「渣」。
三文魚小卷 ($88)：水準亦唔錯，即點即製，外面嘅紫菜好脆口，飯粒香軟，包裏住嘅三文魚亦挺新鮮。
另外呢客蝦天婦羅 ($188) 亦好有驚喜，成品選用了大碼虎蝦，外層炸衣金黃薄脆，而且保留了蝦肉嘅鮮味，入口香酥不膩。
兩客定食接著送上，每份均配有蔬菜沙律、味噌湯、白飯或烏冬。
備長炭 M5 和牛定食 ($260)：和牛燒得啱啱好，表面微微焦香，食落柔嫩又多汁，油脂比例亦啱啱好，入口牛味非常濃郁，帶陣陣炭燒香，牛魔絕對唔可以錯過。
備長炭串燒拼盤定食 ($160)：拼盤分量十足，有雞翼、一口甜薯、雞軟骨、牛舌、豚腩和豚肉腸，每樣一串。
雞翼外皮焦香，肉質嫩滑；雞軟骨爽脆帶嚼勁；而豚腩亦肥瘦適中，咬下毫不肥膩。全部嘅串燒都係採用備長炭烤製，入口富迷人炭香，保留咗食材嘅原汁原味。
最後當然要點番兩客甜品為這頓豐盛午餐劃上完美句號！芝麻雪糕 ($58) 真心推介，芝麻味重，一試難忘。綠茶蕨餅 ($48) 煙靱微甜，同樣好吃。
張貼
