薔紅

營業中

休息中

老公上網見到有間好抵食的餐廳係灣仔，所以特登搭車出去！點知原來要訂位......唯有搵其他野食，行到去一間好耐冇去的上樓茶餐廳，其實我唔係好想去，因為樓下裝修緊，環境麻麻地......但老公堅持要去，冇辦法只有跟住去😕上到去老公叫左個鐵板牛排意粉，飲凍檸茶，我唔知食乜，所以老公叫我揀雜排，似羅宋湯！我個羅宋湯黎先，但我覺得咸左d......之後老公杯凍檸茶黎，我飲左啖，雖然唔澀但茶唔靚😐我揀個雜排配牛肝菌，個汁幾有新意，又甜甜地，但塊豬排同雞排就咸左d......😔老公個牛排反而煮得幾好，肉質唔戡靭，味道調較ok,又大塊，依個價錢都算抵食！