影片
更多
2022-05-08
170 瀏覽
恭喜老婆大人好朋友高級食材專門店HAFIE哈妃創辦人Beth Shum，喺今年做咗日本宮城縣政府委任嘅宮城縣推廣大使，收到咁好嘅消息緊係要去同佢慶祝吓啦！於是約埋班朋友仔一齊去三原鐵板燒，食用哈妃供應嘅宮城縣材料鐵板燒套餐咁就啱晒合尺啦。乜鬼嘢都唔理一坐底先飲為敬乾杯！今日有三枝Miyagi清酒配宮城縣靚嘢，三枝入面我就最like嗰枝Miyagi No:5特別純米酒食和牛襯佢正到痺呀。今次嚟食宮城品嚐豪華套餐足足有8道菜式咁多，好榮幸由日本主廚三原師傅為我哋服務，第一味係肥嘟嘟嘅仙台產煙燻蠔，用過櫻花木嚟煙燻嘅蠔食落真係零舍香，但係煙燻嘅味又冇冚過蠔嘅鮮味所以仲係好甜。跟住係仙台帶子刺身師傅加咗黑魚子上去，食落香軟鮮甜加埋旁邊啲香草醬一齊食勁清香。喱個雲吞就巴閉喇第二道食唔到㗎，因為喺師傅用仙台產嘅雪菜嚟自己包嘅翡翠雲吞。煎煎佢之後就好似食灌湯餃咁放入雞湯道食，側邊仲有粒煮到入晒味嘅日本大根波波巧正㗎，翡翠雲吞入面除咗有蝦肉之外仲有我至like嘅魚翅食落都咪話唔盞。 跟住見到師傅攞咗盤勁厚切嘅鵝肝出嚟，原來喱道菜除咗有法國鵝肝之外仲有仙台產嘅海鰻。鵝肝食落好鬼脆仲好甘香添，海鰻就好有彈
於是約埋班朋友仔一齊去三原鐵板燒，食用哈妃供應嘅宮城縣材料鐵板燒套餐咁就啱晒合尺啦。
乜鬼嘢都唔理一坐底先飲為敬乾杯！今日有三枝Miyagi清酒配宮城縣靚嘢，三枝入面我就最like嗰枝Miyagi No:5特別純米酒食和牛襯佢正到痺呀。
今次嚟食宮城品嚐豪華套餐足足有8道菜式咁多，好榮幸由日本主廚三原師傅為我哋服務，第一味係肥嘟嘟嘅仙台產煙燻蠔，用過櫻花木嚟煙燻嘅蠔食落真係零舍香，但係煙燻嘅味又冇冚過蠔嘅鮮味所以仲係好甜。
跟住係仙台帶子刺身師傅加咗黑魚子上去，食落香軟鮮甜加埋旁邊啲香草醬一齊食勁清香。
喱個雲吞就巴閉喇第二道食唔到㗎，因為喺師傅用仙台產嘅雪菜嚟自己包嘅翡翠雲吞。
煎煎佢之後就好似食灌湯餃咁放入雞湯道食，側邊仲有粒煮到入晒味嘅日本大根波波巧正㗎，翡翠雲吞入面除咗有蝦肉之外仲有我至like嘅魚翅食落都咪話唔盞。
跟住見到師傅攞咗盤勁厚切嘅鵝肝出嚟，原來喱道菜除咗有法國鵝肝之外仲有仙台產嘅海鰻。
鵝肝食落好鬼脆仲好甘香添，海鰻就好有彈性油香超勁豐富，墊喺底下面嗰件茄子都係正嘢嚟㗎，點啲紅酒黑醋汁一齊食就very goog喇。
喱幾隻生猛嘅三陸產黑鮑魚就係我哋第5道菜嘅主角喇！
師傅先將鮑魚去殼同埋內臟煮好後就淋啲牛油海膽汁上去，碟邊仲有另一款青BB嘅香草醬，咁就一鮑可以兩食對貪心嘅我係喜訊呀嘻嘻！
黑鮑魚食落好鬼軟淋仲勁有鮮味，嗰個牛油海膽汁香得嚟唔會漏喉，如果點香草醬食更好會有一種清新嘅味道。
嘩嘩嘩！終於嚟到食A5仙台和牛肉眼嘅時候喇，香港只有兩間餐廳食到A5仙台和牛我就喺其中一間稀有到呢！
師傅將A5仙台和牛燒到大約四成熟，分兩種唔同的切法有片狀同埋粒狀上碟，牛肉油花激多食落真係香口到不得之了，我仲可以嘆埋老婆大人嗰份真係愛C佢呀。
最尾仲有個櫻花蝦炒飯做主食，睇住三原師傅由零炒起真係好鬼享受。
食埋碗香噴噴嘅櫻花蝦炒飯真係飽到上天靈蓋呀！點知原來仲漬物同埋麵豉湯真係超級大滿足！
甜品係用咗宮城好特色嘅毛豆紅豆菓子，估唔到用毛豆整甜品味道又幾過瘾喎，唔會好甜但又有毛豆香味，菓子仲好似我同老婆大人咁煙韌添哈哈，喱餐食得好開心下次再同大家一齊食好嘢。
哈妃HAFIE
電話：9135 1587
地址：長沙灣元州街288號C鋪
三原鐵板燒
電話：36188212
地址：將軍澳唐俊街18號The Parkside第一座地下G06號舖
張貼
