瘋鳥 (已結業)

最近搬咗屋，睇下屋企附近有咩好西食，行下行下見到有間小店差不多坐滿晒，平日都坐滿，心諗質素應該都唔錯，就揀佢啦，支持小店💛💪。 呢間小店行工業文青風路線，啱晒我style呀🤭！牆上擺咗一啲香港插畫師畫嘅卡片喺度寄賣，客人可以隨便掃QR code就可以買。 先嚟個小食日式南蠻雞翼，好香好脆呀，個粉唔會太厚，食落脆卜卜，咬落去肉嫩多汁，食落熱辣辣，加埋少少香草同埋蛋黃醬就更加perfect😋。 主食揀咗個鏗魚汁蕃茄鮮蝦意大利飯，啲飯有微微嘅魚湯甜味，鮮蝦爽口彈牙，意大利飯唔會過黏。 另一個澳洲西冷牛扒🐮都好大塊，牛扒表面煎得好香脆，切開肉嫩多汁，配合埋燒汁一齊食，正呀。配菜一啲都唔馬虎，薯條好好味，超香脆呀！沙律菜🥗亦好新鮮爽口。