明發 (已搬遷) 新店位置

深水步除左公和有得食豆花之外另外此店既豆花都唔錯, 不過最主要來食係佢地既餃子,自家包用料新鮮好味, 今次叫左個煎餃子(椰菜同韭菜)多餡料又多汁值得一試, 另外佢地既油渣麵都唔錯, 簡唔中食都唔錯, 油渣帶少少肉又食到少少肥雖然每一啖食落都明知好肥, 但無奈d油渣又炸得好香口真係一口接一口完全唔記得咩叫膽固醇.最後更係唔少得豆花一碗, 滑滑既凍豆花係咁熱既天氣食真係好舒服.其實環境同公和都差不多架啦, 不過覺得此店既店員個個都好nice, 可能家庭生意個個都會用心照顧每位客人, 相比公和我覺得此店都值得一來.