LOST STARS LIVEHOUSE BAR & EATERY (已搬遷) 新店位置

今次去呢間係一間好特別嘅餐廳，平時好多時候都會同朋友去大角咀呢個美食天堂度搵嘢食，呢間餐廳經常都會經過，但係就好少入去，尤其是係未放寬防疫措施嘅時候，呢間西餐廳响大角咀新樓盤—利奧坊曉岸樓下，已經開咗好多年，望入去好大間，樓底好高，好靚好 Grand，最搶眼嘅係中間有一個好大個嘅舞台，記得疫情之前係呢度食晚飯，係會有 年輕音樂人獻唱，背後仲會有一個好大嘅螢幕介紹呢位音樂人，個人又有 Band 又有，支持本地音樂嘅朋友最啱啦。幾個月前再嚟呢度食飯嘅時候，防疫措施仲未放寬，所以就未有表演睇，而家應該都會有啦。嗰日我哋係食晏晝，唔係嗌咗好多嘢食，首先叫咗一個黑松露雜菌意粉，意粉夠軟熟啱我口味，另外又叫咗一份肉眼扒，都係五成熟，生生哋幾嫩口，不過配菜同裝飾就少咗啲賣相爭少少，另外又叫咗個炸雞漢堡，我都係覺得漢堡應該配牛肉好啲。