Master Kama (已結業)

朋友帶我嚟試下銅鑼灣呢間餐廳，我初頭以為係食西餐，嚟到先知原來係西x日嘅fusion 菜式~ 而環繞整間餐廳，就係濃烈嘅龍蝦味道。 因為慶生的關係，朋友要我老實不客氣要我點一個套餐，裡面有原隻龍蝦法包，沙律菜、薯條和蕃薯條。 由於個包太大，所以我地Share 一人一邊~ 首先個龍蝦真係好juicy ，唔係講笑，本來以為佢係嗰啲煮到熟哂冇乜味道，但點知，龍蝦肉煮得非常滑溜，而且唔會overcook ，係啱啱好嗰種，我平時食龍蝦成日都會打冷震，可能係啲人話龍蝦好毒嘅緣故，但係呢一次就無呢個感覺~ 又多肉又好吃~ 其實成個餐，我可以話淨係想食呢個烏冬，上面個包完全係驚喜 ! 呢個烏冬都無令到我失望，原隻龍蝦頭浸係個烏冬度，為佢帶來非一般的氣勢。 而且烏冬熱度十足，上枱時熱湯仲係咕嚕咕嚕不停翻騰~ 講返個烏冬，我鍾意佢夠淋，而且海鮮配料好多，青口、龍蝦肉、魷魚等等，加上龍蝦濃湯唔算係真係好漏，突出到龍蝦嘅鮮甜。今次朋友之選果然不錯，而家打返呢篇野，都想再食多一次~