煮打菜打冷小菜館 (已結業)

同朋友嚟咗呢間幾難搵嘅餐廳，係耀東邨對面，入到去時間都幾晏，估唔到都仲有幾多人座位好寬敞，感覺幾啱一大班人嚟食我哋叫咗幾個小菜，首先係蒜蓉牛油焗蜆一上檯就香氣撲鼻，蒜香同牛油香味甚濃蜆雖然係連殼，但係好多隻，每隻蜆入面都鋪滿蒜粒，洋蔥，好入味蜆肉彈牙，同埋醬汁一齊食好惹味嚟親食打冷都一定會叫蠔餅潮式爆花蠔餅份量好大，好似個大pizza咁炸粉好薄，金黃色嘅一大個餅，入面有滿滿嘅蠔仔，蔥蒜仔，炸得香脆可口，最上面再放少少芫茜作點綴每粒蠔仔都幾肥，唔似得出面食嘅蠔餅得啲豆豉咁細粒嘅蠔蠔肉都幾鮮味，店員提醒我哋可以點魚露食其實唔點都夠味，但係點咗就正宗啲蠔餅好大個，而且真係好似pizza咁有個工具幫手切同分，好方便魚湯雜菜煲用料豐富，有冬菇，雞脾菇，粉絲，薑片，小棠菜，白菜仔，西蘭花，菜心，唐生菜魚湯幾清甜，可以飲埋，入面嘅菜清清哋，索哂啲湯，好甜，臨尾食多少少菜就啱啱好