影片
更多
2022-01-07
72 瀏覽
Subtle Island 喺旺角地鐵站出口附近，交通好方便。餐廳喺商業大廈嘅4樓全層，地方好寬敞。餐廳分開三部份，有許願水池、人造沙灘同異國風露台。最吸引我嘅就係許願水池位，裝修得好靚，好似置身外國一樣。尤其而家冇得飛，去下特式餐廳，轉換下心情，人都精神晒😄我本來只係一心諗住影下靚環境，完全冇諗過餐廳嘅食物原來都出奇地美味！軟殼蟹鹹蛋黃忌廉汁意粉（$118）軟殼蟹配上鹹蛋黃，炸得酥脆，替炸軟殼蟹增添新元素，突破傳統單純味道。香煎北海道帶子紅菜頭汁意大利飯（$128）北海道帶子大粒而且新鮮，煎得生熟得宜。紅菜頭汁意大利飯，未食都已經滿足視覺享受，桃紅色，好少女💕 risotto煮得啱啱好，煙靭有咬口。我同朋友見到有一D特式cocktail ，於是order兩杯去配合返個摩洛哥渡假mood🍹我哋點咗Conut Sea ($128)同G.T.G ($128) Conut Sea 顧名思義就係有椰子啦！用椰子殼裝住杯酒，不過飲嘅時候最好只拎起隻玻璃杯，如果唔係就好易倒瀉。Bartender 都幾重手，酒嘅份量好多，而且太甜，我只可以飲半杯。朋友嗰杯G.T.G. 係Gin Tonic 加Ear
我本來只係一心諗住影下靚環境，完全冇諗過餐廳嘅食物原來都出奇地美味！
軟殼蟹鹹蛋黃忌廉汁意粉（$118）軟殼蟹配上鹹蛋黃，炸得酥脆，替炸軟殼蟹增添新元素，突破傳統單純味道。
香煎北海道帶子紅菜頭汁意大利飯（$128）北海道帶子大粒而且新鮮，煎得生熟得宜。紅菜頭汁意大利飯，未食都已經滿足視覺享受，桃紅色，好少女💕 risotto煮得啱啱好，煙靭有咬口。
我同朋友見到有一D特式cocktail ，於是order兩杯去配合返個摩洛哥渡假mood🍹
我哋點咗Conut Sea ($128)同G.T.G ($128) Conut Sea 顧名思義就係有椰子啦！用椰子殼裝住杯酒，不過飲嘅時候最好只拎起隻玻璃杯，如果唔係就好易倒瀉。Bartender 都幾重手，酒嘅份量好多，而且太甜，我只可以飲半杯。
朋友嗰杯G.T.G. 係Gin Tonic 加Earl Grey Tea。我覺得味道調得比較好，有伯爵茶嘅芳香，同時酒嘅分量亦啱啱好。
到埋單嘅時候我哋先發覺原來cocktail 嘅價錢同食物係一樣架！Main course 百零蚊好合理; cocktail 百零蚊就貴左D（仲要味道一般般）我唔建議試cocktail ，飲其他飲品會好啲。
環境同食物我都好滿意，服務質素都唔錯，staff好詳細咁介紹D cocktails 俾我地揀。如果想開開心心打卡影靚相，去Subtle Island 一定唔會令你失望。
張貼