影片
更多
2023-09-17
23 瀏覽
前排上完深圳食椰子雞，就一直話想再食，但可惜男朋友唔得閒陪我上去！點知佢今日原來男準備咗個驚喜俾我，就係帶我去滾夜火鍋食招牌椰子雞煲！🫕招牌椰子雞鍋（半隻雞）兩個椰青，兩個椰皇，再加椰肉，完全唔加湯嘅情況下放落半隻雞。大火後熄火焗一焗，佢會有個漏斗俾你計時啱啱好5分鐘。第一時間飲一飲個湯，整嗰啲根本唔係湯，係純椰皇椰青水，加上少少雞油，超級鮮甜，好正！隻雞真係煮得時間岩岩好，好嫩滑，再加埋椰青水，令隻雞更加甜。🥢新鮮豬粉腸入面係有粉但唔臭既，正！第二轉我哋煮內左都唔會變靭。🥢手包韭菜餃好濃郁嘅韭菜味！🥢竹笙、油麥菜好新鮮，再加埋個湯底真係好鮮甜，令到佢既鮮味提升咗好多🥢澳洲純牛筋丸8粒男朋友食完之後不斷話超好食，我心諗有冇咁誇張呀。點知我食完之後都呆咗，入面係超多牛肉汁，而且好濃嘅牛肉味，呢個真係必食！值得一提嘅係，一定要訂位，我哋今日週末過黎有唔少Walk in既客，但係由於真係太full，個個都摸門釘。📍滾爺火鍋 (旺角)旺角上海街428號地舖
🫕招牌椰子雞鍋（半隻雞）
兩個椰青，兩個椰皇，再加椰肉，完全唔加湯嘅情況下放落半隻雞。大火後熄火焗一焗，佢會有個漏斗俾你計時啱啱好5分鐘。第一時間飲一飲個湯，整嗰啲根本唔係湯，係純椰皇椰青水，加上少少雞油，超級鮮甜，好正！隻雞真係煮得時間岩岩好，好嫩滑，再加埋椰青水，令隻雞更加甜。
🥢新鮮豬粉腸
入面係有粉但唔臭既，正！第二轉我哋煮內左都唔會變靭。
🥢手包韭菜餃
好濃郁嘅韭菜味！
🥢竹笙、油麥菜
好新鮮，再加埋個湯底真係好鮮甜，令到佢既鮮味提升咗好多
🥢澳洲純牛筋丸8粒
男朋友食完之後不斷話超好食，我心諗有冇咁誇張呀。點知我食完之後都呆咗，入面係超多牛肉汁，而且好濃嘅牛肉味，呢個真係必食！
值得一提嘅係，一定要訂位，我哋今日週末過黎有唔少Walk in既客，但係由於真係太full，個個都摸門釘。
📍滾爺火鍋 (旺角)
旺角上海街428號地舖
張貼
