當文歷餅店 by Dominique Ansel (已結業)

喺呢個相機食先嘅時代，先唔理味道如何，只要造型夠噱頭，啱用嚟打卡呃like，已經叫做成功咗一半。好明顯，當文歷餅店喺呢方面做得非常成功，放眼望落好幾款蛋糕賣相都非常搞鬼，而且充滿香港本土特色，令人賞心悅目。今次試咗兩款蛋糕分別係「火腿通」同「菠蘿包」，由茶餐廳名物搖身一變成為西式甜點，創意十足。「火腿通」係一款帶有檸檬味嘅芝士蛋糕，火腿用白朱古力製成，紅蘿蔔就係棉花糖，蛋糕都算滑身，唔太漏。「菠蘿包」（其實我覺得叫菠蘿油好似啱啲？）就係椰子mousse+椰子達克瓦茲+mascarpone cream+菠蘿青檸熱情果醬。達克瓦茲係用蛋白、杏仁粉和糖製成的法式甜品，質感酥脆，配搭軟滑慕絲及忌廉，令口感更加豐富，椰子控必試。