影片
更多
2012-01-12
29 瀏覽
1月8日晚上同朋友及佢既屋企人一齊食飯,本來係幾個人一齊剪完頭髮後去食晚飯的,但最後變左十一個人,好誇張,所以就預早食團年飯啦.金潮出名多人等位,本來係想去食泰國菜的,但係因為果間菜館已結業了,所以即刻去返呢度,朋友話7點幾已唔使指意有位,好彩另一個朋友一早已打嚟問左及訂埋枱添呀,佢俾左個booking number佢,嚟到成個門口都係人,已經叫到10x號,我地係42號,好彩冇話要齊人先入得,佢好快就安排左一張枱俾我地啦,不過就要我地個幾鐘就要交枱,都冇所謂的.我地一坐低就開始不停諗食咩,猛叫:黃金蝦,鮮魚皮x2碟,砂窩雲吞雞,黑椒牛仔骨,蜜桃檸汁骨,瑤柱豆苗,瑤柱玉子豆腐,茄子煎倉魚,南乳炸豬手,豬潤上湯時菜,砵酒蠔(後加).十二樣嘢好豐富呀!!餸菜好快送到,馬上開動,鮮魚皮好好味,好爽口,有些蔥,芫茜,花生,加些辣椒豉油一齊食,好好味又爽口,我唔食魚皮的,不過有一次嚟呢度食,朋友話好好味叫我試下,跟住就鍾意左食咁整既魚皮啦.砂窩雲吞雞好大窩,好足料,雲告好多粒,細細粒好味,皮薄所以唔會硬,雞湯好鮮甜香濃,正呀!黃金蝦好好味的,好似縮水了,蝦少了,細隻了,不過味道依然好味,好香感蛋味
我地一坐低就開始不停諗食咩,猛叫:
黃金蝦,鮮魚皮x2碟,砂窩雲吞雞,黑椒牛仔骨,蜜桃檸汁骨,瑤柱豆苗,瑤柱玉子豆腐,茄子煎倉魚,南乳炸豬手,豬潤上湯時菜,砵酒蠔(後加).
十二樣嘢好豐富呀!!餸菜好快送到,馬上開動,鮮魚皮好好味,好爽口,有些蔥,芫茜,花生,加些辣椒豉油一齊食,好好味又爽口,我唔食魚皮的,不過有一次嚟呢度食,朋友話好好味叫我試下,跟住就鍾意左食咁整既魚皮啦.
砂窩雲吞雞好大窩,好足料,雲告好多粒,細細粒好味,皮薄所以唔會硬,雞湯好鮮甜香濃,正呀!
黃金蝦好好味的,好似縮水了,蝦少了,細隻了,不過味道依然好味,好香感蛋味,又唔會好多油,咬落口成口都好香呀!
黑椒牛仔骨,呢個好惹味,好熱好香,雖然唔係好辣不過黑椒味都好濃,牛仔骨都好大件,好淋身,仲有好多洋蔥吸晒d汁好好味呀!
蜜桃檸汁骨,呢個朋友話好味道的,有些蜜桃粒,甜甜地,又加埋d檸汁,酸酸甜甜好開胃,肉質都好淋的,唔會太肥.
瑤柱豆苗,瑤柱舖滿了個頂,盖住了豆苗,好足料呀!瑤柱好甜好多汁,豆苗都好青綠唔會苦.
瑤柱玉子豆腐,這個都係面頭舖面了瑤柱,下面係玉子豆腐再有幾棵西蘭花,玉子豆腐好淋好味,又係好多瑤柱,好多汁好味
茄子煎倉魚,這個勁大份,以為係倉魚塊,原來係成條倉魚,好多茄子,茄子好淋好香好多汁,倉魚食左少少都幾滑
南乳炸豬手,呢個好香口好脆卜卜,豬手唔會好肥,加埋些南乳醬一齊食好味道
豬潤上湯時菜,上湯有杞子的,好鮮甜,豬潤都好粉身及大塊的,時菜係白菜,好味呀.
砵酒煮蠔,只有五隻,不過都好大隻的,我唔覺得好重酒味的呀!不過都啖啖肉及好香的.
好滿足的一餐呀!!時間啱啱好,食飽走人.
張貼
