影片
更多
2015-09-07
1923 瀏覽
好耐無聚舊， 希望大家聚一聚見面，有啲話去食自助餐、打邊爐、日式放題都有，最後就揀咗食日式放題， 同學帶路， 嚟到旺角區咩時間都係好多人係條街道行， 而且睇見商場樓上食店餐廳仲多咗好多， 每間食店都各出奇招， 以吸引客戶嚟幫襯。到咗大瀛喜門口，招牌好搶眼， 門框都掛住唔同顏色嘅彩燈，好閃亮， 但要小心梯級喎﹗因為唔知點解要行落幾級樓梯先到餐廳。任食放題唔同時間都有優惠，所以訂位時要揀啱時間問清楚，我地揀咗最早時段5:30pm，要提早少少放工走人。呢到餐廳幾大， 裝修都好簡潔， 天花上面還吊咗好多盞黑色燈罩嘅燈泡， 微黃燈光襯托下帶點氣氛。餐廳屬於半開放式廚房，牆壁上貼滿好多指示給客人， 亦分咗刺身壽司區、甜品區、自助雪糕區。呢個飾櫃放近入口處，睇到飾櫃放咗好多唔同嘅物件，仲貼上好多熱買中及人氣商品字眼，同埋掛住個意見及抽獎箱，唔知係唔係寄買商品呢﹖檯腳可用來攝上印有檯號的任選任食餐簿，因每張檯都唔係好大，所以的確幾有諗頭兼省位。檯面下還設有櫃桶，好似麻雀檯，用呢放牙纖。好似相簿咁厚嘅餐牌， 打開可隨意揀選喜愛美食，有分沙律小食、刺身、手卷卷物、壽司、天婦羅、炸物、主食、燒物、甜品等，
好耐無聚舊， 希望大家聚一聚見面，有啲話去食自助餐、打邊爐、日式放題都有，最後就揀咗食日式放題， 同學帶路， 嚟到旺角區咩時間都係好多人係條街道行， 而且睇見商場樓上食店餐廳仲多咗好多， 每間食店都各出奇招， 以吸引客戶嚟幫襯。到咗大瀛喜門口，招牌好搶眼， 門框都掛住唔同顏色嘅彩燈，好閃亮， 但要小心梯級喎﹗因為唔知點解要行落幾級樓梯先到餐廳。
任食放題唔同時間都有優惠，所以訂位時要揀啱時間問清楚，我地揀咗最早時段5:30pm，要提早少少放工走人。
呢到餐廳幾大， 裝修都好簡潔， 天花上面還吊咗好多盞黑色燈罩嘅燈泡， 微黃燈光襯托下帶點氣氛。
餐廳屬於半開放式廚房，牆壁上貼滿好多指示給客人， 亦分咗刺身壽司區、甜品區、自助雪糕區。
呢個飾櫃放近入口處，睇到飾櫃放咗好多唔同嘅物件，仲貼上好多熱買中及人氣商品字眼，同埋掛住個意見及抽獎箱，唔知係唔係寄買商品呢﹖
檯腳可用來攝上印有檯號的任選任食餐簿，因每張檯都唔係好大，所以的確幾有諗頭兼省位。
檯面下還設有櫃桶，好似麻雀檯，用呢放牙纖。
好似相簿咁厚嘅餐牌， 打開可隨意揀選喜愛美食，有分沙律小食、刺身、手卷卷物、壽司、天婦羅、炸物、主食、燒物、甜品等，抽起餐紙俾店員落單就可。
有三個大大嘅雪櫃，放咗好多飲品，任君選擇，有氣水、果汁、烏龍茶、乳酪、仲有啤酒飲。
韓國啤酒
無糖烏龍茶
呢到新鮮刺身都好多，我地都揀咗好多種，大大盤刺身放在冰盤上，真係好鬼吸引，有三文魚、 油甘魚、劍魚腩、北寄貝、貝柱、玉子、甜蝦、珍寶赤海蝦、珍珠鮑魚同酒煮榮螺。
珍寶赤海蝦，好新鮮，比甜蝦大隻，肉質鮮甜爽口，沾上少少醬油嚟食，真係好滋味。
酒煮榮螺，酒味不太濃，但爽口彈牙，肉質鮮甜，不需沾上醬油， 都可令你一試難忘。
三文魚新鮮肥美， 油甘魚肉質較彈牙，而油脂豐富，甘香嫩滑，劍魚腩脂肪較重，入口甘香味美，溶化於口。
新鮮甜蝦係呢到推介，肉質軟味甜，有粘粘的口感， 唯有新鮮才有這樣好嘅感受，好好味。
海膽手卷，迷你形，好似啲雪糕桐，好得意，入口軟滑甘甜，紫菜又好脆，好好味。
京蔥煙三文魚壽司，肉質有咬口，油脂甘香，黑松露玻璃蝦壽司， 入口鮮甜粘粘，配上黑松露，感覺新鮮，北海道帶子壽司，圓大飽滿，味道鮮甜。整體手握壽司飯，大細適中，飯又軟好好食。
鹽燒左口魚壽司，因燒過有咬口， 油分較多，所以入口甘香濃郁。
蒲燒鰻魚壽司，人氣推介，淋上鰻魚汁，香甜好味。
醬燒珍寶蟹棒壽司，大大條蟹棒，口感好好，一絲絲蟹肉味濃鮮甜，味道唔錯。
鐵板蒜香一口牛， 蒜香味濃，唔覺油膩，牛肉外脆香軟， 內裡肉質原汁原味， 口感唔會覺得太硬太乾，值得一試。
香草燒紐西蘭羊鞍，外層燒得好香脆，肉頗嫩，內裡充滿肉汁，感覺惹味而不羶。
鹽燒海蝦串，燒過後肉身較彈牙、爽口鮮甜。
和風柚子汁燒牛仔骨，柚子味不太出，但肉質好嫩好有牛肉味，食時唔會太韌，一咬肉同骨可分離，略帶點脂肪，唔覺肥膩，好香口味。
櫻花珍寶蝦卷，呢到必食推介，外層粉紅色，好似櫻花顏色，內裡蝦肉香脆彈牙，有口感。
牛油粟米，好香牛油味，大大粒粟米好甜。
一口飽魚天婦羅， 感覺新鮮，從未試過咁樣食飽魚仔，一般都係凍食，但今次口感有啲唔同，外層加咗一層薄薄天婦羅漿嚟炸，食時好香脆，肉質好彈牙烟韌。
海虎蝦天婦羅，即叫即炸嘅天婦羅漿沾滿整隻海虎蝦，熱辣辣天婦羅漿好薄好香脆，蝦肉鮮甜爽口，真令人回味。
燒勁辣尖椒，尖椒燒得變成虎皮椒，香香辣辣，雖然辣咗啲，但食起嚟非常過癮，可以一試。
吉列炸生豪，炸漿酥脆香口，蠔肉鮮甜多汁，不會太乾身，口感唔錯。
流心一口芝士同紫心香芋丸，必食推介，同樣外層炸得香脆，流心一口芝士，芝味濃郁軟滑，紫心香芋丸，內裡芋溶香軟滑溜。
芝麻雞翼，人氣美食，燒香後雞翼，外層脆口，肉質都好嫩，芝麻味香，好滋味。
張貼
