Dodam Chicken (1亞太中心) (已結業)

呢間餐廳，之前食開都係銅鑼灣食，喺觀塘返工嘅我，難得餐廳開喺觀塘，梗係要去食下啦望落去觀塘嘅裝修，比起銅鑼灣坐得舒服得多，呢度安排咗至少四個卡位…好彩今日早嚟，大約晚上6:00左右，餐廳可以安排到卡位。裝修風格都比較特別卡位望落去既舒適又浪漫。餐牌唔多講啦，大約講吓啦，主要都係食炸雞，餐廳最特色嘅係炸雞可以選擇無骨雞還是有骨。睇吓大家想食炸嘅雞定係還是配芝士雞，有鹹嘅、甜嘅、辣嘅。另外仲有個好特別嘅炸雞套餐，就係連埋窩夫，不過今次就冇食啦。餐牌上面仲有炸薯條添，上次食過份量實在太多，今次就唔試喇，試下食其他驚唔夠飽嘅朋友，仲有煎餅、湯、粉絲等等Pizza嘅選擇都有好多今次叫咗個鹹蛋黃炸雞，炸雞份量一如既往咁多，勝在個鹹蛋黃揸得好鬆脆，而且好香口淡淡黃金蛋黃味😍呢個芝士蛋卷不得了，上面配有蜜糖芥茉醬、沙律醬、茄汁，仲有蟹子添，望落都已經好吸引最驚喜係一切開嘅芝士係會湧出嚟㗎，多到仲可以拉絲添啊，淡淡都唔怕唔夠芝士食，由頭到尾每一啖唔夠芝士，真係讚。